ჩატარებული სამუშაოები სარწყავი სისტემის გამართულად ფუნქციონირებას უზრუნველყოფს; შედეგად, მუნიციპალიტეტში სასოფლო-სამეურნეო ფართობები შეფერხების გარეშე მოირწყვება.  პროექტი, რომლის ღირებულებაც 500 ათასი ლარია, მიმდინარე წლის სექტემბერში დაიწყო და 2023 წლის პირველ კვარტალში დასრულდება. აღნიშნულის შესახებ ინფორმაციას საქართველოს გარემოს დაცვისა და სოფლის მეურნეობის სამინისტრო ავრცელებს.

უწყების ცნობით, მაგისტრალურ არხზე მოწყობილი წყალგამტარის  რეაბილიტაცია ავარიული წყალსაგდების, ჩამქრობი ჭის, მილსადენისა და გაბიონის კედლების მოწყობას ითვალისწინებს; განხორციელდება ფერდზე კოროზიის საწინააღმდეგოდ დამუშავების სამუშაოები. 

მათივე ცნობით, შპს „საქართველოს მელიორაციის“ გენერალური დირექტორი თენგიზ ნასარიძე,  ადგილობრივი ხელისუფლების წარმომადგენლებთან ერთად, საირიგაციო სისტემის სარეაბილიტაციო და სამშენებლო პროცესს გაეცნო.

დღეის მდგომარეობით, ქვეყნის მასშტაბით, 60 მლნ ლარის ღირებულების  სამელიორაციო ინფრასტრუქტურული პროექტები  მიმდინარეობს, რომელთა დასრულების შემდეგ, დამატებით, 7 540  ჰექტარზე მეტი სასოფლო-სამეურნეო მიწის ფართობი გახდება წყალუზრუნველყოფილი, სარწყავი წყლის მიწოდება 900 ჰექტარზე გაუმჯობესდება, ხოლო დრენირებული მიწის ფართობი 900 ჰექტარით გაიზრდება.   

ავტორი: NS (სტატია დაფინანსებულია),

სოციალური ქსელები

აშშ-მ განაცხადა, რომ ირანის წინააღმდეგ „ისტორიაში ყველაზე მკაცრ სანქციებს“ დააწესებს

გამოქვეყნდა მისამართები, სადაც საქართველოში სკოლის ფორმების შეძენაა შესაძლებელი.

სამოქალაქო საზოგადოება: ოცნების კამპანია ქვეყნის სახელმწიფოებრიობას აზიანებს, საჯარო სივრცეში ტერმინ „რუსოფობიის“ ხელოვნურად დამკვიდრების ცდილობს

რუსეთში წიწიბურას ფასები კვლავ გაიზარდა