რუსეთის საოკუპაციო ძალებმა უკრაინის მიმართულებით ირანული კამიკაძე დრონები გაუშვეს. უკრაინის რამდენიმე ოლქში საჰაერო განგაშია გამოცხადებული. 

აფეთქებების ხმა ისმის ხარკოვში, დნეპროპეტროვსკში, დონეცკსა და ზაპოროჟიეში.

დნეპროპეტროვსკის რეგიონის ადგილობრივი ხელისუფლება მოსახლეობას დრონების შესაძლო თავდასხმის შესახებ აფრთხილებს.

„ხელმისაწვდომი მონაცემებით, რეგიონის მიმართულებით სავარაუდოა, რომ თავდასხმა განხორციელდეს კამიკაძე დრონების მიერ“, - განაცხადა  დნეპროპეტროვსკის რეგიონული სამხედრო ადმინისტრაციის ხელმძღვანელმა, სერჰი ლისაკმა.

მან მოქალაქეებს მოუწოდა თვალყური ადევნონ საჰაერო თავდასხმის სიგნალებს. 

ამავდროულად, დნეპროპეტროვსკის რეგიონული საბჭოს თავმჯდომარემ, ნიკოლაი ლუკაშუკმა აღნიშნა, რომ კამიკაძე დრონები მიმართული იქნა ზაპოროჟიეს ოლქისკენაც.  

"შაჰედები მიდიან ზაპოროჟიეს მიმართულებით. დაიმახსოვრეთ უსაფრთხოების წესები და იზრუნეთ საკუთარ თავზე. არავითარი ფოტო და ვიდეო", - დაწერა მან Telegram- ზე.

ხარკოვში, დაბომბვის გამო, ზოგიერთ რაიონში შუქი ჩაქრა, წინასწარი მონაცემებით. რუსი ოკუპანტები ბომბავენ ხარკოვის კრიტიკულ ინფრასტრუქტურას. დაშავებულების და ზარალის შესახებ ინფორმაცია დგინდება.

"ყურადღება! ხარკოვისა და რეგიონის მაცხოვრებლებმა, დამპყრობლები ისევ ისვრიან! ნუ უგულებელყოფთ სიგნალიზაციას. დარჩით თავშესაფრებში!",- განაცხადა ქალაქის მერმა, იგორ ტერეხოვმა.

რუსეთის საავიაციო აქტივობა ასევე დაფიქსირდა აზოვის ზღვაში.
 

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს