|
2023-02-08 11:24:46, 1085 ნახვა
საზოგადოება
ალასანია სააკაშვილზე - ჩემი შვილის ერთადერთი დანაშაული არის ის, რომ 2008 წელს ქვეყანა რუსეთს არ ჩააბარა
ჩემი შვილის ერთადერთი დანაშაული არის ის, რომ თავისი ქვეყანა არ ჩააბარა რუსეთს 2008 წელს, - ამის შესახებ საქართველოს მესამე პრეზიდენტის დედამ, გიული ალასანიამ მიხეილ სააკაშვილთან დაკავშირებით განაცხადა. როგორც ალასანიამ მედიის წარმომადგენლებს უთხრა, საქართველოსთან დაკავშირებით ოპტიმისტური მოლოდინები აღარ აქვს. "მე პრეზიდენტს არაფერს არ ვუპასუხებ, უბრალოდ, იცით რაშია საქმე? მე მიმაჩნია, რომ ჩემი შვილის ერთადერთი დანაშაული არის ის, რომ თავისი ქვეყანა არ ჩააბარა რუსეთს 2008 წელს. აი, ეს არის მისი დანაშაული როგორც გამოირკვა, მეტი არავითარი დანაშაული მე არ მაგონდება. ყველა ადამიანს აქვს უფლება, გააკეთოს თავისი არჩევანი, ყველას თავისი ღირებულებები აქვს, მორალი აქვს. ამ ქვეყანასთან დაკავშირებით არავითარი ოპტიმისტური მოლოდინი მე არ მაქვს", - აცხადებს გიული ალასანია. შეგახსენებთ, 6 თებერვალს თბილისის საქალაქო სასამართლომ მიხეილ სააკაშვილის გათავისუფლების ან სასჯელის გადავადების შუამდგომლობა არ დააკმაყოფილა. გადაწყვეტილება მოსამართლე გიორგი არევაძემ მიიღო. სასამართლოს გადაწყვეტილებას გუშინ, 7 თებერვალს საქართველოს პრეზიდენტი გამოეხმაურა. სალომე ზურაბიშვილმა ვრცელი განცხადება გაავრცელა და თქვა, რომ "ამ გადაწყვეტილებით ქართველ ხალხს მიესაჯა ჩაკეტილ წრეზე ტრიალი და ამ ვითარების მძევლად დარჩენა". მეხუთე პრეზიდენტის აზრით, გრძელდება ქვეყნის არნახული დისკრედიტაცია, რაც მმართველი პარტიისა და ოპოზიციის ერთობლივი ძალისხმევის შედეგია და "ამ ორმხრივ დისკრედიტაციას ვერანაირი პრეზიდენტის შეწყალება ვერ უშველის". მანვე განცხადებაში აღნიშნა, რომ "პრეზიდენტისკენ ხელის გამოშვერა არაფრის მომტანია, თუ არა კიდევ ერთხელ საზოგადოების მოტყუების მცდელობა, ვითომ არ იცოდეს ყველამ - პრეზიდენტის შეწყალებით მიხეილ სააკაშვილი ვერ გათავისუფლდება (კიდევ სამ საქმეზე არის ბრალდებული)".
ზელენსკიმ უკრაინას, აშშ-სა და ევროპას შორის ლიდერების დონეზე მიმდინარე „რთულ“ დიალოგზე ისაუბრა
მაკა ბოჭორიშვილი: ჩვენ ვაგრძელებთ მუშაობას იმისათვის, რომ ეუთო-ს მომავალი წლის თავმჯდომარეობაზე კონსენსუსი იყოს მიღწეული
ხაბეიშვილი მოსამართლეებზე - ეს აბსოლუტური სკუნსები, როგორ ბედავენ საქართველოს სახელით საუბარს?! ეს თვალებყლეპია ხალხი ანწუხელიძეს, საქართველოს რა უფლებით ასამართლებს?!
ბოჭორიშვილი კატარის საგარეო საქმეთა სახელმწიფო მინისტრს, სულთან ბინ საად ალ-მურაიხის შეხვდა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ექსპრესნიუსი,



