"ნაციონალური მოძრაობის" ახალი თავმჯდომარე ლევან ხაბეიშვილი ევროკავშირის ელჩს საქართველოში, პაველ ჰერჩინსკის შეხვდა, სადაც მიხეილ სააკაშვილის, ნიკა გვარამიას და 12 რეკომენდაციის შესრულების საკითხები განიხილა. 

როგორც ხაბეიშვილმა გამართულ ბრიფინგზე აღნიშნა, საქართველოს ევროპული მომავალი მესამე პრეზიდენტის ჯანმრთელობაზე "პირდაპირ მიბმულია".

"ვისაუბრეთ პრეზიდენტ სააკაშვილის ჯანმრთელობაზე, სიცოცხლეზე, მის გადარჩენაზე. იმაზეც, რომ ჩვენი ქვეყნის ევროპული მომავალი პირდაპირ მიბმულია პრეზიდენტ სააკაშვილის ჯანმრთელობაზე და ყველა კარგად აცნობიერებს, რომ პრეზიდენტის მკვლელებს ევროპაში არავინ ელოდება და ამ პერსპექტივამ შესაძლოა, ათწლეულებით გადაიწიოს, თუ ფატალურად დამთავრდა პრეზიდენტ სააკაშვილის მდგომარეობა. 

ცხადია ვისაუბრეთ  ნიკა გვარამიას პოლიტპატიმრობაზე. ვისაუბრეთ ჩვენი ქვეყნის ევროპულ პერსპექტივაზე, 12 პუნქტის შესრულებაზე და ცხადია, იმ პრობლემებზე, რომელსაც ამ პუნქტების შესრულებისას ვაწყდებით. “ქართული ოცნება” ცდილობს, ეს ყველაფერი არ შეასრულოს", - განაცხადა ხაბეიშვილმა. 

ავტორი: ექსპრესნიუსი,

სოციალური ქსელები

ტრამპმა პუტინთან და შემდეგ ზელენსკისთან „გუშინ“ ახალი საუბრის შესახებ განაცხადა

მსახიობი სერგეი ბეზრუკოვი ოკუპირებულ აფხაზეთში იმყოფება

გახარია: სანამ ოცნება იტყუება, ჩვენ ვიცავთ საქართველოს ინტერესებს ეუთოს საპარლამენტო ასამბლეაში

„ფაშისტურ-ნაცისტურ“ დაჯგუფებაში მყოფს მოზარდს წამებისთვის თითქმის 10 წლით თავისუფლების აღკვეთა მიესაჯა.