არსებობს გარკვეული დიეტა, მკურნალობის კურსი, რომელსაც არ იცავენ იმ მიზეზით, რომ როგორმე სააკაშვილის დაზიანება იყოს თვალხილული, - ამის შესახებ "ქართული ოცნების" დეპუტატმა, გიორგი ვოლსკმა განაცხადა. 

მისივე თქმით, მესამე პრეზიდენტის დედის, გიული ალასანიას განცხადებები ხაზს უსვამს, რომ "თავად არიან თაღლითები და ზუსტად იციან რეალური სიტუაცია".

"არსებობს გარკვეული დიეტა, მკურნალობის კურსი, რომელსაც არ იცავენ იმ მიზეზით, რომ როგორმე სააკაშვილის დაზიანება იყოს თვალხილული, საერთაშორისო თანამეგობრობა დაარწმუნონ იმაში, რომ სააკაშვილი ისეთ პირობებშია, რომელიც არ შეესაბამება დემოკრატიული ქვეყნის სტანდარტს. ამ პროცესში წამოცდენები, რომელიც თუნდაც გიული ალასანიას ჰქონდა, მიუთითებს იმაზე, რომ თავად არიან თაღლითები და ზუსტად იციან რეალური სიტუაცია", - განაცხადა ვოლსკი.

შეგახსენებთ, რომ დღეს მესამე პრეზიდენტის დედამ, გიული ალასანიამ მიხეილ სააკაშვილის მონახულების შემდეგ განაცხადა, რომ ექსპრეზიდენტის მდგომარეობა კვლავ მძიმეა, აქვს ძლიერი ხველება და მაღალი ტემპერატურა. 

24 იანვარს საქართველოს მესამე პრეზიდენტს კორონავირუსი დაუდასტურდა. მიხეილ სააკაშვილის ადვოკატის განცხადებით, მისი მდგომარეობა მძიმეა და საჭიროებს რეანიმაციაში გადაყვანა.

ავტორი: ექსპრესნიუსი,

სოციალური ქსელები

უკრაინის შეიარაღებულმა ძალებმა ვორონეჟში რაკეტსაწინააღმდეგო ნახევარგამტარების ქარხანაზე იერიში მიიტანეს

23-25 ივნისს საქართველოში მოსალოდნელია დროგამოშვებით ნალექიანი ამინდი

Nestle-მ ბრიტანეთის მიერ სანქცირებულ ტელეკომპანია „იმედში“ რეკლამის განთავსების გამო შიდა გამოძიება დაიწყო

ხალხის ფულით ივანიშვილის რეჟიმი 2026 წელს გამოშვებულ 592 ახალ ავტომობილს ₾47 მილიონად ყიდულობს