ევროპის საბჭოს ასამბლეამ უკრაინის წინააღმდეგ რუსეთის აგრესიაზე კიდევ ერთი რეზოლუცია მიიღო.

საპარლამენტო ასამბლეაზე ეროვნული დელეგაციების წევრები ინდივიდუალურად აძლევენ ხმას. რეზოლუციას მხარი 100-მა დეპუტატმა დაუჭირა, წინააღმდეგი არავინ წასულა.

მხარდამჭერთა შორის არიან საქართველოს დელეგაციის წარმომადგენლები, პარტია „მოქალაქეების" ერთ-ერთი ლიდერი ლევან იოსელიანი და "ქართული ოცნების" დეპუტატია ხატია წილოსანი.

რეზოლუციით, რომლის სახელწოდებაცაა: „უკრაინის წინააღმდეგ რუსეთის ფედერაციის აგრესიის სამართლებრივი და ადამიანის უფლებათა ასპექტები" ასამბლეა მიიჩნევს, რომ რუსეთის ფედერაციის აგრესია, მისი ხასიათის, მასშტაბისა და სიმძიმის გათვალისწინებით, წარმოადგენს გაერთიანებული ერების ორგანიზაციის წესდების აშკარა დარღვევას. ასამბლეა სრულად გმობს ამ დანაშაულებს, მოუწოდებს საერთაშორისო თანამეგობრობას გაუგზავნოს მკაფიო გზავნილი, რომ ომის და კაცობრიობის წინააღმდეგ ჩადენილ დანაშაულთა ჩამდენი პასუხისგებაში იქნება მიცემული და რომ ასეთი დანაშაულების დაუსჯელობა მიუღებელია.

ასამბლეა ერთსულოვნად მოუწოდებს ევროპის საბჭოს წევრ და დამკვირვებელ სახელმწიფოებს, შექმნან სპეციალური საერთაშორისო სისხლის სამართლის ტრიბუნალი უკრაინის წინააღმდეგ განხორციელებულ აგრესიაზე.

„საქართველოს დელეგაციამ ერთხმად დაუჭირა მხარი უკრაინის მხარდამჭერ რეზოლუციას რაც ძალიან მნიშვნელოვანია, იმ პოლარიზაციის და დაპირისპირების ფონზე რაც ქვეყანაშია ოპოზიციას და მმართველ პარტიას შორის რომ ქვეყნის გარეთ, უკრაინასთან მიმართებაში პოზიციები, როგორც წესით თანხვედრაშია. უნდა გვახსოვდეს, რომ რა თქმა უნდა, უკრაინის საკითხი აქაც, სტრასბურგშიც არის და რეიკიავიკშიც იქნება მთავარი და წამყვანი საკითხი, მაგრამ სადაც არის უკრაინაზე საუბარი, უნდა იყოს საუბარი საქართველოზეც და არავის არ უნდა მივცეთ საშუალება, რომ დავიწყებას მიეცეს 2008 წელს საქართველოში რუსეთის მიერ განხორციელებული ფართომასშტაბიანი აგრესია„ - განაცხადა საქართველოს პარლამენტის ოპოზიციონერმა ვიცე-სპიკერმა ლევან იოსელიანმა.

ევროპის საბჭოს ასამბლეის ზამთრის სესია სტრასბურგში მიმდინარეობს.

ავტორი: ექსპრესნიუსი,

სოციალური ქსელები

ორბანის წინააღმდეგ გამოძიების ფარგლებში, თითქმის 20 მილიონი დოლარის ფარული ფონდი აღმოაჩინეს

ზელენსკი - აშშ-მ იკითხა, დატოვებდა თუ არა უკრაინა დონბასს ნატოში გაწევრიანების შემთხვევაში.

ელენე ხოშტარია ციხიდან საკონსტიტუციო სასამართლოს მოსამართლეებს მწვავე წერილით პასუხობს და კითხვებს უსვამს

პროკურატურა ფეიქრიშვილის საქმეზე პატარიძის და ფირცხალავას მიმართ გირაოს გამოყენებას მოითხოვს