"ერთიანი ნაციონალური მოძრაობის" კასპის რაიონული ორგანიზაცია პარტიის თავმჯდომარის არჩევნებში მხარს ნიკა მელიას უჭერს. ამის შესახებ პარტიის წევრებმა ცოტა ხნის წინ გამართულ საგანგებო ბრიფინგზე განაცხადეს.

მათი თქმით, მელიას არჩევნებში კასპიდან არა მხოლოდ ორგანიზაციის წარმომადგენლების, არამედ ენმ-ის ამომრჩევლების სრული მხარდაჭერა აქვს.

"არ იყო დრო, როდესაც პარტიაში თავმჯდომარის არჩევნები უნდა ჩატარებულიყო. მაშინ, როდესაც ქვეყანაში არაერთი გამოწვევაა, მაშინ, როდესაც მესამე პრეზიდენტის თავისუფლებისა და ჯანმრთელობისთვის გვქონდა საბრძოლი, არ იყო დრო იმის, რომ პარტიაში ჩატარებულიყო შიდა თავმჯდომარის არჩევნები. თუმცა დგას ის რეალობა დღის წესრიგში, რომ ჩვენ ამ ბრძოლის ველზე უნდა გავიდეთ და შესაბამისად, ჩვენი რაიონული ორგანიზაცია, თითოეული აქტივი, თითოეული ამომრჩეველი სრულად მხარს ვუჭერთ ამ არჩევნებში ნიკა მელიას", - განაცხადეს ბრიფინგზე.

შეგახსენებთ, „ნაციონალური მოძრაობის" თავმჯდომარის არჩევნები 28-29 იანვარს გაიმართება. პარტიის არჩევნებში, რომელშიც მონაწილეობის მსურველთა რეგისტრაცია უკვე დაწყებულია, კენჭს ნიკა მელია, ლევან ხაბეიშვილი, ნონა მამულაშვილი და გიორგი მუმლაძე იყრიან.

ავტორი: ექსპრესნიუსი,

სოციალური ქსელები

ტრამპმა პუტინთან და შემდეგ ზელენსკისთან „გუშინ“ ახალი საუბრის შესახებ განაცხადა

მსახიობი სერგეი ბეზრუკოვი ოკუპირებულ აფხაზეთში იმყოფება

გახარია: სანამ ოცნება იტყუება, ჩვენ ვიცავთ საქართველოს ინტერესებს ეუთოს საპარლამენტო ასამბლეაში

„ფაშისტურ-ნაცისტურ“ დაჯგუფებაში მყოფს მოზარდს წამებისთვის თითქმის 10 წლით თავისუფლების აღკვეთა მიესაჯა.