|
2023-01-18 00:25:09, 1380 ნახვა
საზოგადოება
ზურაბ აზარაშვილმა, მედიკამენტებზე ხდელმისაწვდომობის გაზდის მიზნით, განხორციელებული და მიმდინარე რეფორმები წარმატებულად შეაფასა
„ჩვენ გვაქვს შექმნილი ჯანდაცვის სტრატეგია, რომლის მიხედვითაც განსაზღვრული გვაქვს ის მკაფიო პრიორიტეტები, რითაც უფრო ხელმისაწვდომს გავხდით, ჩვენი მოსახლეობისთვის, ჯანდაცვას. ამ ხელმისაწვდომობასთან ერთად იქნება, როგორც ხარისხი უზრუნველყოფილი, ასევე ამ სისტემაში დასაქმებული ადამიანების უფლებები, სახელფასო განაკვეთები. ეს ყველაფერი ერთობლიობაში ქმნის ხარისხიან ჯანდაცვას“, - აღნიშნულის შესახებ ზურაბ აზარაშვილმა განაცხადა. ჯანდაცვის მინისტრმა, მოსახლეობისთვის, მაღალხარისხიან მედიკამენტებზე ხელმისაწვდომობის გაზრდის მიზნით, სახელმწიფოს მიერ უკვე გატარებულ და მიმდინარე რეფორმებზე გაამახვილა ყურადღება. ზურაბ აზარაშვილის თქმით, თურქული ფარმაცევტული ბაზრის გახსნის შედეგად, მოსახლეობა მედიკამენტებში წლიურად 200 მილიონ ლარამდე დაზოგავს. მინისტრმა რეფორმა წარმატებულად შეაფასა და აღნიშნა, რომ ცვლილების შემდეგ, ქვეყანაში, მაღალი ხარისხის, ზუსტად იგივე დასახელების და მნიშვნელოვნად ხელმისაწვდომი მედიკამენტები შემოვიდა. ჯანდაცვის მინისტრის თქმით, მიმდინარე წელს ფარმაცევტული რეფორმის შემდეგი, მნიშვნელოვანი ნაწილი ამოქმედდა, რაც მედიკამენტების ზედა ზღვრული ფასის დაწესებას გულისხმობს. ცვლილება, მედიკამენტებზე მოსახლეობის დანახარჯს, კიდევ 40%-ით შეამცირებს. „პირველ ეტაპზე, შევარჩიეთ ყველაზე უფრო მოთხოვნადი, ყოველდღიურად გამოყენებადი მედიკამენტები, რომლებიც ქრონიკული და ონკოლოგიური ტიპის მედიკამენტებია. დაახლოებით 50-მდე მოლეკულაა, რომელიც სხვადასხვა დასახელების 1200-ზე მეტს მედიკამენტს მოიცავს. ჩვენ, ამ პროცესში საერთაშორისო გამოცდილება გავითვალისწინეთ, ჩართულები იყვნენ უცხოელი და ქართველი ექსპერტები. ეს რეფორმა საკმაოდ წარმატებით დავიწყეთ და დარწმუნებული ვარ, რომ შემდეგი ეტაპებიც, რომლებიც გარკვეული პერიოდის შემდეგ სრულად მოიცავს ფარმაცევტულ ბაზარს, ესეც წარმატებული იქნება“, - აღნიშნა ზურაბ აზარაშვილმა.
ზელენსკიმ უკრაინას, აშშ-სა და ევროპას შორის ლიდერების დონეზე მიმდინარე „რთულ“ დიალოგზე ისაუბრა
მაკა ბოჭორიშვილი: ჩვენ ვაგრძელებთ მუშაობას იმისათვის, რომ ეუთო-ს მომავალი წლის თავმჯდომარეობაზე კონსენსუსი იყოს მიღწეული
ხაბეიშვილი მოსამართლეებზე - ეს აბსოლუტური სკუნსები, როგორ ბედავენ საქართველოს სახელით საუბარს?! ეს თვალებყლეპია ხალხი ანწუხელიძეს, საქართველოს რა უფლებით ასამართლებს?!
ბოჭორიშვილი კატარის საგარეო საქმეთა სახელმწიფო მინისტრს, სულთან ბინ საად ალ-მურაიხის შეხვდა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



