„ერთი საკითხია შემსრულებლების, ჯარისკაცების, ვინც ეს დანაშაული ჩაიდინა, მათი არასათანადო დასჯა და მეორე, მთავარი საკითხია, რომ სრულიად ხელშეუხებელნი არიან საჯაროდ ორგანიზატორები და ლიდერები ივანიშვილის რეჟიმის ამ პუტინისტური ნაწილისა“, - ასე ეხმაურება „ევროპული საქართველოს“ თავმჯდომარე გიგა ბოკერია 5 ივლისის საქმეზე თბილისის სააპელაციო სასამართლოს დღევანდელ გადაწყვეტილებას.

ბოკერიას თქმით, საქმე უფრო მძიმე მუხლით უნდო ყოფილიყო აღძრული, თუმცა თავიდანვე არასწორი მუხლი გამოიყენეს, ახლა კი სასჯელი შეამსუბუქეს და "ალბათ, კიდევ უფრო შეამსუბუქებენ".

„ეს იგივე ხალხია, რომელიც ტელევიზიაში იძახდა, რომ კიდევ იზამდნენ, ასე უნდა ქნან, მათ ვინც აქციაზე აორგანიზებდა. ეს იგივე ხალხია, რომელიც საჯაროდ პუტინს გულშემატკივრობს უკრაინის, ანუ საქართველოს წინააღმდეგ, ეგ ხალხი არიან სრულიად ხელშეუხებელნი.

ამიტომ, თუ ვინმეს კიდევ დარჩა რამე ილუზია ამ რეჟიმის სახეზე, ამით მაინც უნდა მიხვდეს, რომ ივანიშვილის სახე არის პუტინისტური პროპაგანდა, განწყობა და სულისკვეთება, რადგან მათ ეყრდნობა საკუთარი ძალაუფლების შესანარჩუნებლად ჩვენი ქვეყნის მომავლის ხარჯზე“, - აცხადებს ბოკერია.

ცნობისთვის, თბილისის სააპელაციო სასამართლომ ჟურნალისტებისა და ოპერატორების, მათ შორის "ტვ პირველის" ოპერატორის, ლექსო ლაშქარავას და "საზოგადოებრივი მაუწყებლის" ოპერატორის, ილია თვალიაშვილის მიმართ ძალადობაში მსჯვარდებულები პატიმრობაში დატოვა.

მოსამართლე მაია თეთრაულის გადაწყვეტილებით, 6 მსჯავრდებულს - დავით კუტალაძეს, აკაკი ნაკაშიძეს, თორნიკე დავლაშერიძეს, ოთარ გელაშვილს, ცოტნე ჩიხლაძესა და გია გიგუაშვილს - სასჯელი 1 წლით შეუმცირდათ. 

ავტორი: ექსპრესნიუსი,

სოციალური ქსელები

ორბანის წინააღმდეგ გამოძიების ფარგლებში, თითქმის 20 მილიონი დოლარის ფარული ფონდი აღმოაჩინეს

ზელენსკი - აშშ-მ იკითხა, დატოვებდა თუ არა უკრაინა დონბასს ნატოში გაწევრიანების შემთხვევაში.

ელენე ხოშტარია ციხიდან საკონსტიტუციო სასამართლოს მოსამართლეებს მწვავე წერილით პასუხობს და კითხვებს უსვამს

პროკურატურა ფეიქრიშვილის საქმეზე პატარიძის და ფირცხალავას მიმართ გირაოს გამოყენებას მოითხოვს