|
2023-01-15 23:33:19, 1373 ნახვა
საზოგადოება
ილჰამ ალიევი - ვახტანგ კიკაბიძე მთელი ეპოქის სიმბოლოდ იქცა
აზერბაიჯანის რესპუბლიკის პრეზიდენტმა ილჰამ ალიევმა "ქართველი ხალხის დიდი შვილის", ცნობილი მომღერლის, მსახიობის და რეჟისორის ვახტანგ კიკაბიძის გარდაცვალების გამო სამძიმარი გამოუცხადა ოჯახს და მეგობრებს. „უკიდურესად მწუხარებას გამოვთქვამთ ქართველი ხალხის დიდი შვილის, გამოჩენილი მომღერლის, მსახიობისა და რეჟისორის ვახტანგ კიკაბიძის გარდაცვალების შესახებ. ვახტანგ კიკაბიძის სახელი სამუდამოდ არის ჩაწერილი საბჭოთა და ქართული კულტურის დიდებულ ანარეკლში. მრავალმხრივი ნიჭის, მაღალი პროფესიონალიზმის, ახალი და უნიკალური სულისკვეთების წყალობით, რომელიც მან ხელოვნებაში შემოიტანა, ვახტანგ კიკაბიძე მთელი ეპოქის სიმბოლოდ იქცა. მის მიერ კინოში შექმნილი დაუვიწყარი გამოსახულებები, ორიგინალური შესრულების ოსტატობით შესრულებული სიმღერები რამდენიმე თაობის გულში განსაკუთრებულ ადგილს იკავებს. ვახტანგ კიკაბიძე აზერბაიჯანის დიდი მეგობარი იყო. მისი შემოქმედება ყოველთვის სარგებლობდა აზერბაიჯანელი ხალხის სიყვარულით და მის პიროვნებას დიდი პატივისცემითა და თანაგრძნობით ეპყრობოდნენ. მან ასევე მნიშვნელოვანი წვლილი შეიტანა კულტურული კავშირების განვითარებაში, აზერბაიჯანსა და საქართველოს შორის მეგობრული და კეთილმეზობლური ურთიერთობების განმტკიცებაში. გამოჩენილი ოსტატისა და გულწრფელი ადამიანის ვახტანგ კიკაბიძის ნათელი ხსოვნა მუდამ იცოცხლებს ჩვენს გულებში. ვიზიარებ თქვენს მწუხარებას ამ მძიმე დანაკარგის გამო, ჩემი და მეჰრიბან ალიევას სახელით ღრმა მწუხარებას გამოვთქვამ“, - ნათქვამია სამძიმრის წერილში. ქართველი კინომსახიობი, საესტრადო მომღერალი, სცენარისტი და კინორეჟისორი ვახტანგ (ბუბა) კიკაბიძე 84 წლის ასაკში გარდაიცვალა. საქართველოს სახალხო არტისტი ბუბა კიკაბიძე იყო სსრკ-ის სახელმწიფო პრემიის ლაურეატი, მრავალი საერთაშორისო სიმღერისა და კინოფესტივალის ლაურეატი. კავალერი ორდენების: ღირსების, ვახტანგ გორგასლის III ხარისხის, ნიკოლოზ საკვირველთმოქმედისა და წმინდა კონსტანტინე დიდის ჯვრის რაინდი. თბილისის საპატიო მოქალაქე (1999). 1999 წელს მოსკოვში „ვარსკვლავების მოედანზე“ ჩაიდო მისი სახელობის ვარსკვლავი.
ზელენსკიმ უკრაინას, აშშ-სა და ევროპას შორის ლიდერების დონეზე მიმდინარე „რთულ“ დიალოგზე ისაუბრა
მაკა ბოჭორიშვილი: ჩვენ ვაგრძელებთ მუშაობას იმისათვის, რომ ეუთო-ს მომავალი წლის თავმჯდომარეობაზე კონსენსუსი იყოს მიღწეული
ხაბეიშვილი მოსამართლეებზე - ეს აბსოლუტური სკუნსები, როგორ ბედავენ საქართველოს სახელით საუბარს?! ეს თვალებყლეპია ხალხი ანწუხელიძეს, საქართველოს რა უფლებით ასამართლებს?!
ბოჭორიშვილი კატარის საგარეო საქმეთა სახელმწიფო მინისტრს, სულთან ბინ საად ალ-მურაიხის შეხვდა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ექსპრესნიუსი,



