უკრაინაში ომი ჩვენთვის არის დიდი გამოწვევა - ამ გამოწვევას სჭირდება ძალიან გონივრული მართვა და ჩვენც შესაბამისად ავაწყვეთ ჩვენი პოლიტიკა, - ამის შესახებ პრემიერ-მინისტრმა, ირაკლი ღარიბაშვილმა მთავრობის მუშაობის 2022 წლის ანგარიშის წარდგენისას განაცხადა.

როგორც ღარიბაშვილმა სიტყვით გამოსვლისას აღნიშნა, "ქართული ოცნებისთვის", შექმნილ კრიზისულ პერიოდში, მთავარი ამოცანა ქვეყნის ინტერესების დაცვაა.

"ჩვენ, ყველა ერთად ძალიან რთული პერიოდი გავიარეთ - მთავრობა, პარლამენტი, მთელი საზოგადოება იყო ჩართული  ამ პროცესის მართვაში და საბოლოო ჯამში, ჩვენი ქვეყანა დღეს გამარჯვებული გამოვიდა ამ ეტაპზე. ევროპის კონტინენტზე უპრეცედენტო გამოწვევა და კრიზისია - უკრაინაში ომი, რა თქმა უნდა, ჩვენთვის ყველასთვის არის დიდი გამოწვევა. ამ ომმა დიდი გავლენა მოახდინა როგორც თავად ევროპის კონტინენტზე, ასევე ჩვენს რეგიონზე, ჩვენს ქვეყანაზე, მთლიანად გლობალურ პოლიტიკაზე. შეიძლება ითქვას, რომ მთელი მსოფლიო დგას დიდი გამოწვევის წინაშე, რომელიც არ დამდგარა მეორე მსოფლიო ომის შემდეგ. ეს ჩვენ კარგად გვაქვს გააზრებული, ეს არის ურთულესი გამოწვევა. ამ გამოწვევას სჭირდება ძალიან გონივრული მართვა და ჩვენც შესაბამისად ავაწყეთ ჩვენი პოლიტიკა. ჩვენ პირველივე დღეებიდან სწორი პოლიტიკა დავიჭირეთ, სწორი პოლიტიკა გავატარეთ და ამ სწორ პოლიტიკას ვახორციელებთ. ჩვენი გუნდის წევრების საერთო სულისკვეთება არის, რომ ჩვენი მთავარი ამოცანა უნდა იყოს ჩვენი ქვეყნის ეროვნული ინტერესების დაცვა. სწორედ ამ იდეით ვმოქმედებთ და ვატარებთ იმ პოლიტიკას, რომელიც პირველ რიგში, ჩვენს ხალხს სჭირდება", - განაცხადა მთავრობის მეთაურმა.

ღარიბაშვილმა უკრაინის სუვერენიტეტის მიმართ მხარდაჭერა გამოხატა და თქვა, რომ ომი უკრაინაში რაც შეიძლება სწრაფად უნდა დასრულდეს.

"ჩვენ, რა თქმა უნდა, ძალიან შეშფოთებულები ვართ ამ ომით. კიდევ ერთხელ მინდა ჩემი მხარდაჭერა დავუდასტურო უკრაინელ ხალხს, ვუსურვო მათ მშვიდობა, ამ ომის სწრაფად დასრულება. კიდევ ერთხელ ვადასტურებ ჩვენს მხარდაჭერას უკრაინის სუვერენიტეტისა და დამოუკიდებლობის მიმართ. კიდევ ერთხელ უნდა აღვნიშნო, რომ ეს ომი რაც შეიძლება სწრაფად უნდა დასრულდეს", - ამბობს პრემიერ-მინისტრი.

ავტორი: ექსპრესნიუსი,

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”