არანაირი, დიდი დრო რეაბილიტაციისთვის არ დამჭირდება, ბრძოლის წინა ხაზზე ვიქნები ყველგან სადაც გამარჯვებას დასჭირდება, - წერს ერთიანი ნაციონალური მოძრაობის დეპუტატი ანი წითლიძე, 12 დღიანი შიმშილობის შეწყვეტის შემდეგ.

მისივე თქმით, იმისთვის, რომ ამ “ომში” გაიმარჯვო, უნდა იბრძოლო ყველაფრის ფასად დასახული მიზნის მისაღწევად მით უფრო როდესაც იცი, რომ ისტორიის სწორ მხარეს დგახარ. 

მან დასძინა, რომ მიხეილ სააკაშვილი უნდა გადარჩეს და იცოცხლოს.

“შიმშილობის პირველივე დღიდან - არანაირი მოლოდინი არ მქონდა რომ ჰუმანიზმისგან დაცლილი ხელისუფლება ჩემს მოთხოვნებს გაითვალისწინებდა.

შოკისმომგვრელი კადრების შემდეგ რაც გაავრცელეს - ბრაზი, ბოღმა, და სიძულვილი ერთმანეთში ამერია.
პირველად ამ 10 წლის მანძილზე საკუთარი თავის შემეშინდა რადგან შურისძიებაზე ვიფიქრე.

მივხვდი რომ ძალიან ცოტა მაკლდა იმისთვის რომ ამ სიძულვილის და ანგარიშსწორების მორევში საკუთარი თავი არ დამეკარგა.

ამ დღეების განმავლობაში შევხვდი უამრავ ადამიანს ხელისუფლებიდან, ოპოზიციიდან, სამოქალაქო სექტორიდან. მადლობას მინდა ვუთხრა თითოეულ მათგანს.

მქონდა კომუნიკაცია ჩვენს საერთაშორისო პარტნიორებთან, ქვეყნის შიგნით და ქვეყნის გარეთ.

ამ ომში გადარჩენა თუ გვინდა,უნდა ვიცოდეთ რომ მიუხდავად პროფესიისა, შესაძლებლობისა ყოველდღიური Freedom Fighter - ხარ სადაც საკუთარი ღირებულებების გარდა, ყველაფრის ფასად უნდა იბრძოლო საბოლოო გამარჯვებისთვის.

მე ამ უკუნეთში სადაც სინათლე არ ჩანს ვიცი რომ ისტორიის სწორ მხარეს ვარ.

მიშა უნდა გადარჩეს და იცოცხლოს.

ბოდიში ყველას ვინც განერვიულეთ ჩემი სიჯიუტით.

მადლობა გულშემატკივრობისთვის.

არანაირი, დიდი დრო რეაბილიტაციისთვის არ დამჭირდება, ბრძოლის წინა ხაზზე ვიქნები ყველგან სადაც გამარჯვებას დასჭირდება.” - განაცხადა წითლიძემ

ავტორი: ექსპრესნიუსი,

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”