|
2022-12-12 13:20:27, 1594 ნახვა
საზოგადოება
საქართველოს პროკურატურის მენეჯერების წლის შემაჯამებელი სამუშაო შეხვედრა გაიმართა
საქართველოს პროკურატურის ორგანიზებით და ამერიკის შეერთებული შტატების საელჩოს მხარდაჭერით, პროკურატურის მენეჯერების წლის შემაჯამებელი სამუშაო შეხვედრა გაიმართა. ღონისძიებას საქართველოს გენერალური პროკურორი ირაკლი შოთაძე, გენერალური პროკურორის მოადგილეები, საპროკურორო საბჭოს პროკურორი წევრები, უწყების სხვა ხელმძღვანელი პირები, ამერიკის შეერთებული შტატების იუსტიციის სახელმწიფო დეპარტამენტის რეზიდენტი მრჩეველი სამართლებრივ საკითხებში ლენა ოუენსი და ამერიკის შეერთებული შტატების საელჩოს წარმომადგენლები ესწრებოდნენ. შეხვედრა საქართველოს გენერალურმა პროკურორმა ირაკლი შოთაძემ გახსნა. გენერალურმა პროკურორმა მადლობა გადაუხადა აშშ-ის საელჩოს მხარდაჭერისთვის და აღნიშნა, რომ სამუშაო შეხვედრა ცალკეულ დანაშაულთა წინააღმდეგ ბრძოლის ეფექტიანობის და ასევე ორგანიზაციის ინსტიტუციური განვითარების საკითხებზე მსჯელობას მოიცავს. როგორც შეხვედრაზე აშშ-ის იუსტიციის სახელმწიფო დეპარტამენტის რეზიდენტმა მრჩეველმა სამართლებრივ საკითხებში ლენა ოუენსმა განაცხადა, მოხარულია, რომ აშშ-ის საელჩო პროკურორთა ყოველწლიურ შემაჯამებელ სამუშაო შეხვედრას მხარს უჭერს, რადგან მნიშვნელოვანია პროკურორების და მათი ხელმძღვანელებისთვის რეგულარულად განიხილონ სისტემის წინაშე მდგარი გამოწვევები, რაც პროკურატურის მეტად განვითარებას შეუწყობს ხელს. სამუშაო შეხვედრაზე განიხილეს ისეთი მნიშვნელოვანი საკითხები როგორიცაა: ფულის გათეთრების წინააღმდეგ ბრძოლის პროცესში არსებული მიღწევები და გამოწვევები; ფულის გათეთრების დანაშაულის გამოვლენის და დანაშაულებრივი გზით მოპოვებული ქონების ჩამორთმევის მიზნით გატარებული ღონისძიებები; კიბერდანაშაულის წინააღმდეგ ბრძოლა და ამ მიმართულებით დანერგილი სიახლეები; სპეციალური საგამოძიებო სამსახურის საგამოძიებო ქვემდებარეობა და მომიჯნავე დანაშაულები. ასევე, სამუშაო შეხვედრის ფარგლებში, სიცოცხლის ხელყოფის საქმეებზე დაზარალებულთა საჩივრის განხილვის ამოქმედების ახალი მექანიზმი განიხილეს. შეხვედრაზე, თბილისის პროკურატურის და საოლქო პროკურატურების ხელმძღვანელებმა თბილისსა და რეგიონებში, არსებულ პრაქტიკასა და გამოწვევებზე და მათი გადაჭრის გზებზე ისაუბრეს. გარდა ამისა, საბჭოს სხდომაზე კორუფციულ დანაშაულებზე პრობლემური და სტატისტიკური საკითხების, სასამართლოს გადაწყვეტილებების საფუძველზე 2020-2022 წლებში გამოვლენილი გამოძიების ხარვეზების ანალიზის და სამუშაოს წარმოებისას უსაფრთხოების წესების დარღვევის შედეგად ჩადენილ დანაშაულთა გამოძიების ეფექტიანობის შესახებ იმსჯელეს.
მაკა ბოჭორიშვილი: ჩვენ ვაგრძელებთ მუშაობას იმისათვის, რომ ეუთო-ს მომავალი წლის თავმჯდომარეობაზე კონსენსუსი იყოს მიღწეული
ხაბეიშვილი მოსამართლეებზე - ეს აბსოლუტური სკუნსები, როგორ ბედავენ საქართველოს სახელით საუბარს?! ეს თვალებყლეპია ხალხი ანწუხელიძეს, საქართველოს რა უფლებით ასამართლებს?!
ბოჭორიშვილი კატარის საგარეო საქმეთა სახელმწიფო მინისტრს, სულთან ბინ საად ალ-მურაიხის შეხვდა
პროკურატურა - ღარიბაშვილის უფლებების შესაძლო დარღვევაზე გამოძიების დაწყების საფუძველი არ არსებობს
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



