2022-12-10 13:56:31, 1995 ნახვა

---

ქედაში 16 დღიანი კამპანიის ფარგლებში დასკვნითი ღონისძიება ,,ქორწინება ადრეულ ასაკში და მისი შედეგები“ გაიმართა

დღეს, ქედის მუნიციპალიტეტში ადამიანის უფლებათა დაცვის დღესთან დაკავშირებით 16 დღიანი კამპანიის ფარგლებში დასკვნითი ღონისძიება ,,ქორწინება ადრეულ ასაკში და მისი შედეგები" - გაიმართა, რომელსაც ტრენერი თიკო გიორგაძე უძღვებოდა.

შეხვედრას მუნიციპალიტეტის სხვადასხვა საჯარო სკოლის დამამთავრებელი მოსწავლეები ესწრებოდნენ.

მათ ისაუბრეს განათლების აუცილებლობაზე, საზოგადოებისათვის ინფორმაციის მიწოდება ნაადრევი ქორწინების შესაძლო რისკებზე და უარყოფით მხარეებზე. ასევე, ადამიანის უფლებათა დაცვის კუთხით არსებულ მდგომარეობაზე „რა მექანიზმები გააჩნია სახელმწიფოს ქალთა უფლებების დასაცავად".

მოსწავლეებს საჩუქრად თემასთან დაკავშირებული წიგნები გადაეცათ.

ძალადობის წინააღმდეგ 16 დღიანი კამპანია 25 ნოემბერს - ქალთა მიმართ ძალადობის აღმოფხვრის საერთაშორისო დღეს დაიწყო და 10 დეკემბერს ადამიანის უფლებათა დაცვის დღეს დასრულდა, რომლის ფარგლრბშიც პროგრამულად ხუთი აქტივობა გაიმართა.

ღონისძიებას ორგანიზებას ადმინისტრაციული სამსახურის გენდერული თანასწორობის ხელშეწყობის სპეციალისტები უწევდნენ.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი