22:47 - 16 Nov, 2026
ჩვენ შესახებ რეკლამა/ხელმოწერა
2022-12-07 14:41:42, 914 ნახვა

საზოგადოება
საქართველოს მოქალაქემ უკრაინისთვის $100 000 გენერატორები შეუკვეთა - კამპანიის ფარგლებში უკვე 200 გენერატორი შეგროვდა

საქართველოს მოქალაქემ, უკრაინის დასახმარებლად, 100 000 დოლარის გენერატორები შეუკვეთა. ამის შესახებ ინფორმაციას აქტივისტი გიგა მაქარაშვილი ავრცელებს. 

"ამ წამს ვიგებ, რომ ერთ ოქრო ქართველს პირდაპირ მწარმოებლისთვის დაუკვეთია 100 000$-ის გენერატორები! ძააალინ, ძააალინ ბევრ უკრაინულ ოჯახში აინთება ნათურა! ბევრ საავადმყოფოში განათდება საოპერაციოები! ბევრი ბავშვთა სახლი, მოხუცებულთა თავშესაფარი ამოისუნთქებს.
ყველაფერი გამოგვივა",- წერს გიგა მაქარაშვილი. 

გაუზიარე სინათლე - ასე ჰქვია კამპანიას, რომელიც Facebook გვერდის მეშვეობით, უკრაინისთვის გენერატორებს აგროვებს - "გაჩნდა იდეა გავერთიანდეთ და ვიყიდოთ გენერატორები, რომლებიც 24 დეკემბრამდე ჩავა კიევში. რესურსების მოსაგროვებლად და გენერატორების საყიდლად დრო გვაქვს 12 დეკემბრამდე. ამ გენერატორებს კიევში მიიღებს არასამთავრობო ორგანიზაცია, რომელიც მათ ყველაზე დაზარალებული უბნის 100 სადარბაზოს მიაწოდებს"

ორგანიზატორების ინფორმაციით, 8 დღის განმავლობაში, კამპანიაში ფული გადმორიცხა 1176 საქართველოს მოქალაქემ, ხოლო 9 ადამიანმა პირადად მიაწოდა გენერატორი. შეგროვებული რაოდენობა უკვე 200 გენერატორს აჭარბებს. 

გარდა ამისა, ევროპაში დაანონსდა Generates of Hope კამპანია, რომლის ფარგლებში უკრაინას გენერატორებს გადასცემენ.

შეგახსენებთ, რომ გუშინ, 6 დეკემბერს, საქართველოში უკრაინის საქმეთა დროებითი რწმუნებულმა, ანდრეი კასიანოვმა განაცხადა, რომ უკრაინამ გენერატორების და ტრანსფორმატორების მოთხოვნით საქართველოს მთავრობას მიმართა, თუმცა დადებითი პასუხი არ მიუღიათ. 

კასიანოვმა ასევე თქვა, რომ მრავალრიცხოვანი თხოვნის მიუხედავად, საქართველოს მთავრობისგან ასევე არ მიუღიათ პასუხი უკრაინისთვის როგორც სამხედრო, ასევე ორმაგი დანიშნულების სხვა ტექნიკის მოწოდებაზე.

 





ავტორი: ექსპრესნიუსი,


სოციალური ქსელები
მაკა ბოჭორიშვილი: ჩვენ ვაგრძელებთ მუშაობას იმისათვის, რომ ეუთო-ს მომავალი წლის თავმჯდომარეობაზე კონსენსუსი იყოს მიღწეული
ხაბეიშვილი მოსამართლეებზე - ეს აბსოლუტური სკუნსები, როგორ ბედავენ საქართველოს სახელით საუბარს?! ეს თვალებყლეპია ხალხი ანწუხელიძეს, საქართველოს რა უფლებით ასამართლებს?!
ბოჭორიშვილი კატარის საგარეო საქმეთა სახელმწიფო მინისტრს, სულთან ბინ საად ალ-მურაიხის შეხვდა
პროკურატურა - ღარიბაშვილის უფლებების შესაძლო დარღვევაზე გამოძიების დაწყების საფუძველი არ არსებობს
რედაქტორის რჩევით

ომი უკრაინაში

ვიდეო/LIVE

პატრიარქის ილია მეორის დაკრძალვა - პირდაპირი








არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics