|
2022-12-06 11:32:41, 854 ნახვა
საზოგადოება
ნიკოლოზ სამხარაძე სლოვენიის ვიცეპრემიერს, საგარეო საქმეთა მინისტრს, ტანია ფაიონს შეხვდა
სლოვენიის რესპუბლიკაში საგარეო ურთიერთობათა კომიტეტის ოფიციალური ვიზიტის ფარგლებში, დელეგაციის ხელმძღვანელმა, ნიკოლოზ სამხარაძემ სლოვენიის ვიცეპრემიერთან, საგარეო საქმეთა მინისტრთან, ტანია ფაიონთან გამართა შეხვედრა. მხარეებმა საქართველო-სლოვენიის ურთიერთობების დღის წესრიგში არსებული მიმართულებები, უკრაინაში მიმდინარე რუსული აგრესია და რეგიონული გამოწვევები, საქართველოსთვის ევროკავშირის კანდიდატის სტატუსის მინიჭების საკითხი და საქართველო-ნატო-ს ურთიერთობები განიხილეს. საგარეო ურთიერთობათა კომიტეტის თავმჯდომარემ, მინისტრს ამომწურავი ინფორმაცია მიაწოდა საქართველოს პარლამენტის მიერ განხორციელებული საკანონმდებლო ცვლილებების შესახებ, რომლებიც ევროკავშირის 12 რეკომენდაციის შესრულებასთანაა დაკავშირებული. ნიკოლოზ სამხარაძემ ამ პროცესში ვენეციის კომისიის და ეუთო/ოდირის ჩართულობის მნიშვნელობას გაუსვა ხაზი. მან ასევე ისაუბრა საქართველოს ოკუპირებულ ტერიტორიებზე არსებულ მძიმე ვითარებაზე და რუსეთის დესტრუქციულ ქმედებებზე, რომელთა წინაშეც საქართველო ყოველდღიურად დგას. სლოვენიის საგარეო საქმეთა მინისტრმა საქართველოს ტერიტორიული მთლიანობის ასევე, ევროპული და ევროატლანტიკური ინტეგრაციის მიმართ მტკიცე მხარდაჭერა კვლავ დაადასტურა და აღნიშნა, რომ სლოვენიის ხელისუფლება მხარს უჭერს საქართველოსთვის ევროკავშირის კანდიდატის სტატუსის მინიჭების საკითხს. მან იმედი გამოთქვა, რომ საქართველოსთან დაკავშირებით ევროკავშირი 2023 წელს პოზიტიურ გადაწყვეტილებას მიიღებს. „სლოვენიის ვიცეპრემიერმა და საგარეო საქმეთა მინისტრმა კიდევ ერთხელ დაადასტურა საქართველოს მხარდაჭერა ევროკავშირის გზაზე და მაღალი შეფასება მისცა საქართველოს მიერ ბოლო წლებში მიღწეულ პროგრესს. მოგეხსენებათ, რომ ქალბატონი ფაიონი მინისტრის პოსტის დაკავებამდე იყო ევროპარლამენტარი. ის კარგად იცნობს საქართველოს და მუდმივად აკვირდება ქვეყანაში მიმდინარე პროცესებს. დარწმუნებული ვარ, რომ სლოვენია მხარს დაუჭერს მომავალ წელს საქართველოსთვის ევროკავშირის კანდიდატის სტატუსის მინიჭებას“, - განაცხადა ნიკოლოზ სამხარაძემ. საქართველოს პარლამენტის საგარეო ურთიერთობათა კომიტეტის დელეგაცია, ნიკოლოზ სამხარაძის ხელმძღვანელობით ოფიციალური ვიზიტით სლოვენიის რესპუბლიკაში იმყოფება. დელეგაციის შემადგენლობაში არიან საგარეო ურთიერთობათა კომიტეტის წევრები: ლევან ქარუმიძე, გრიგოლ ვაშაძე და საქართველო-სლოვენიის მეგობრობის ჯგუფის ხელმძღვანელი, ვიქტორ სანიკიძე.
მაკა ბოჭორიშვილი: ჩვენ ვაგრძელებთ მუშაობას იმისათვის, რომ ეუთო-ს მომავალი წლის თავმჯდომარეობაზე კონსენსუსი იყოს მიღწეული
ხაბეიშვილი მოსამართლეებზე - ეს აბსოლუტური სკუნსები, როგორ ბედავენ საქართველოს სახელით საუბარს?! ეს თვალებყლეპია ხალხი ანწუხელიძეს, საქართველოს რა უფლებით ასამართლებს?!
ბოჭორიშვილი კატარის საგარეო საქმეთა სახელმწიფო მინისტრს, სულთან ბინ საად ალ-მურაიხის შეხვდა
პროკურატურა - ღარიბაშვილის უფლებების შესაძლო დარღვევაზე გამოძიების დაწყების საფუძველი არ არსებობს
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



