|
2022-12-05 15:02:05, 914 ნახვა
საზოგადოება
ნინო თანდილაშვილი კონფერენციაზე, რომელიც კლიმატის ცვლილებისა და გენდერის საკითხებს მიეძღვნა, სიტყვით გამოვიდა
გარემოს დაცვისა და სოფლის მეურნეობის მინისტრის მოადგილე ნინო თანდილაშვილი კონფერენციაზე, რომელიც კლიმატის ცვლილებისა და გენდერის საკითხებს მიეძღვნა, სიტყვით გამოვიდა. კონფერენციის მიზანი იყო საქართველოში კლიმატის ცვლილებისა და გენდერის შესახებ ცნობიერების ამაღლება და დაინტერესებულ მხარეებს შორის კლიმატის ცვლილების ეროვნულ პოლიტიკაში გენდერული საკითხების ინტეგრირების შესახებ დიალოგის წახალისება. „კლიმატის ცვლილება ყოველდღიური ცხოვრების ნაწილი ხდება. თვალსაჩინოა ის უარყოფითი შედეგები, რაც შეიძლება კლიმატის ცვლილებამ მოგვიტანოს. საქართველო, როგორც გაეროს „კლიმატის ცვლილებების ჩარჩო კონვენციის“ (UNFCCC) წევრი, აცნობიერებს ქალებისა და მამაკაცების თანაბრად ჩართვის მნიშვნელობას კლიმატის ეროვნული პოლიტიკის შემუშავებასა და განხორციელებაში. საქართველო არის ერთ-ერთი პირველი ქვეყანა, რომელიც მოიცავს გენდერულ ასპექტებს საქართველოს ეროვნულ დონეზე განსაზღვრული წვლილის დოკუმენტში (NDC), ნათლად აღიარებს და ხაზს უსვამს ქალების გააქტიურების მნიშვნელობას კლიმატის ცვლილების პოლიტიკის დაგეგმვისა და გადაწყვეტილებების მიღების პროცესში“, - განაცხადა ნინო თანდილაშვილმა. კლიმატის ცვლილებისა და გენდერის კონფერენცია გერმანიის საერთაშორისო თანამშრომლობის საზოგადოების (GIZ) ორგანიზებით გაიმართა, რომლის პარალელურად, GIZ-ის პროექტის „კლიმატის პოლიტიკის შესაძლებლობების გაძლიერება სამხრეთ-აღმოსავლეთ, აღმოსავლეთ ევროპის, სამხრეთ კავკასიის და ცენტრალური აზიის ქვეყნებში, ფაზა III“ (CDCPIII) ფარგლებში „კლიმატის ცვლილებისა და ხელოვნების გამოფენა 2022“ მოეწყო. კონფერენციის ფარგლებში, კლიმატის ცვლილებისა და გენდერის თემატიკაზე შექმნილი ნამუშევრები გამოიფინა. კონფერენციას მთავრობის, არასამთავრობო და საერთაშორისო ორგანიზაციების, სამოქალაქო საზოგადოების, უნივერსიტეტების წარმომადგენლები და კლიმატის ცვლილებისა და გენდერის სფეროს ექსპერტები ესწრებოდნენ.
მაკა ბოჭორიშვილი: ჩვენ ვაგრძელებთ მუშაობას იმისათვის, რომ ეუთო-ს მომავალი წლის თავმჯდომარეობაზე კონსენსუსი იყოს მიღწეული
ხაბეიშვილი მოსამართლეებზე - ეს აბსოლუტური სკუნსები, როგორ ბედავენ საქართველოს სახელით საუბარს?! ეს თვალებყლეპია ხალხი ანწუხელიძეს, საქართველოს რა უფლებით ასამართლებს?!
ბოჭორიშვილი კატარის საგარეო საქმეთა სახელმწიფო მინისტრს, სულთან ბინ საად ალ-მურაიხის შეხვდა
პროკურატურა - ღარიბაშვილის უფლებების შესაძლო დარღვევაზე გამოძიების დაწყების საფუძველი არ არსებობს
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



