კახა კალაძემ „ტვ პირველს“ სასამართლო დავა მოუგო - მაია მამულაშვილს 15 000 ლარის გადახდა დაეკისრა

2022-11-30 13:17:55, 2038 ნახვა

სამართალი

თბილისის საქალაქო სასამართლომ დააკმაყოფილა კახა კალაძის საჩივარი, რომელიც „ტვ პირველს“ ცრუ ინფორმაციის გავრცელებაში ადანაშაულებდა და წამყვან მაია მამულაშვილისგან კომპენსაციას ითხოვდა.

დედაქალაქის მერი საჯაროდ გავრცელებული ინფორმაციის უარყოფასა და მორალური ზიანის ანაზღაურებას 100 000 ლარით ითხოვდა, თუმცა მოსამართლე ზაალ მარუაშვილმა "ტვ პირველის" წამყვანს 15 ათასი ლარის გადახდა დააკისრა.

ცნობისთვის, 20 ივნისს კახა კალაძემ თბილისის საქალაქო სასამართლოს სარჩელით მიმართა და ცილისმწამებლური ცნობების უარყოფასა და მორალური ზიანის ანაზღაურებას ითხოვდა. მისი ადვოკატის, დიმიტრი გაბუნიას განცხადებით, "ტვ პირველის“ წამყვანმა პირდაპირ ეთერში მერი კორუფციაში დაადანაშაულა.

სარჩელი 2022 წლის 24 აგვისტოს „ტვ პირველს“ და მაია მამულაშვილს ჩაბარდა საკურიერო ფოსტის მეშვეობით.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,