|
2022-11-29 13:51:04, 1046 ნახვა
საზოგადოება
ნინო თანდილაშვილი კონფერენციას „მერების შეთანხმების 10 წლისთავი აღმოსავლეთ პარტნიორობის რეგიონში“ დაესწრო
გარემოს დაცვისა და სოფლის მეურნეობის მინისტრის მოადგილემ, ნინო თანდილაშვილმა ევროკავშირის მიერ დაფინანსებული პროექტის „მერების შეთანხმება - აღმოსავლეთ პარტნიორობა“ (Com East) ფარგლებში ორგანიზებულ კონფერენციაში „მერების შეთანხმების 10 წლისთავი აღმოსავლეთ პარტნიორობის რეგიონში“ მიიღო მონაწილეობა. აღნიშნულთან დაკავშირებით ინფორმაციას გარემოს დაცვისა და სოფლის მეურნეობის სამინისტრო ავრცელებს. მათი ცნობით, კონფერენციის ფარგლებში, შეთანხმების ხელმომწერი ქალაქების მიერ მიღწეული პროგრესი და სფეროში არსებული გამოწვევები განიხილეს და წარმატების მიღწევის ეფექტიან საშუალებებზე იმსჯელეს. „ჩვენ კარგად ვაცნობიერებთ, თუ რამდენად დიდ ზეგავლენას ახდენს კლიმატის ცვლილება ყოველდღიურ ცხოვრებაზე, რამდენად მნიშვნელოვანია კლიმატის ცვლილებებთან ადაპტაცია და პროცესების შერბილება. მერების შეთანხმება მუნიციპალურ დონეზე კლიმატგონივრული ინიციატივების განხორციელებას ითვალისწინებს, რათა ქვეყნებმა მნიშვნელოვანი ღონისძიებები გაატარონ კლიმატის ცვლილების პროცესებთან ადაპტაციის მიმართულებით. ევროკავშირი ამ პროცესში ჩვენი მთავარი პარტნიორია. რა თქმა უნდა, საქართველოს მთავრობა აქტიურად გააგრძელებს ამ ინიციატივის მხარდაჭერას როგორც ცენტრალურ, ასევე მუნიციპალურ დონეზე“, - განაცხადა ნინო თანდილაშვილმა. აღმოსავლეთ პარტნიორობის ქვეყნებმა, ათი წლის განმავლობაში, აღნიშნული შეთანხმების ფარგლებში, ძლიერი და მხარდამჭერი ერთობა შექმნეს. მერების შეთანხმება კლიმატური და ენერგეტიკული ამბიციების მქონე მუნიციპალიტეტების ფართომასშტაბიანი ინიციატივაა, რომელიც მიზნად ისახავს ენერგეტიკისა და კლიმატის ცვლილების საკითხების განხილვას, პროექტის ხელმომწერებს შორის გამოცდილების გაზიარებას და საუკეთესო პრაქტიკის გაცვლას. მერების შეთანხმების ხელმომწერი ქალაქები ვალდებულებას იღებენ, 2030 წლისათვის სათბური გაზების (CO₂) ემისია 40%- მდე შეამცირონ და კლიმატის ცვლილების შერბილებისა და მასთან ადაპტაციისთვის ერთობლივი მიდგომა შეიმუშაონ. კონფერენციაზე, აღმოსავლეთ პარტნიორობის ქვეყნებში პროექტის 10 წლის იუბილესთან ერთად, „მერების შეთანხმების“ მესამე ფაზის დაწყება აღნიშნეს. კონფერენციას ცენტრალური და ადგილობრივი ხელისუფლების, ადგილობრივი თვითმმართველობის ასოციაციების, საერთაშორისო ორგანიზაციებისა და სხვა დაინტერესებულ მხარეთა 150-ზე მეტი წარმომადგენელი ესწრებოდა სომხეთიდან, აზერბაიჯანიდან, საქართველოდან, მოლდოვიდან და უკრაინიდან.
ხაბეიშვილი მოსამართლეებზე - ეს აბსოლუტური სკუნსები, როგორ ბედავენ საქართველოს სახელით საუბარს?! ეს თვალებყლეპია ხალხი ანწუხელიძეს, საქართველოს რა უფლებით ასამართლებს?!
ბოჭორიშვილი კატარის საგარეო საქმეთა სახელმწიფო მინისტრს, სულთან ბინ საად ალ-მურაიხის შეხვდა
პროკურატურა - ღარიბაშვილის უფლებების შესაძლო დარღვევაზე გამოძიების დაწყების საფუძველი არ არსებობს
კალასი - სირიისგან უნდა მივიღოთ უკრაინისა და საქართველოს ოკუპირებული ტერიტორიების არაღიარება
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



