დიდი ბრიტანეთის საგარეო საქმეთა მინისტრი ჯეიმს კლევერლი, რომელიც კიევში ვიზიტით იმყოფება, უკრაინის პრეზიდენტს, ვოლოდიმირ ზელენსკის შეხვდა.

შეხვედრის ამსახველი ვიდეოკადრები ზელენსკიმ სოციალურ ქსელში გაავრცელა.

"დიდი ბრიტანეთი ჩვენთვის გადამწყვეტ მომენტში უკრაინის გვერდითაა.  ჩვენ ამას არასდროს დავივიწყებთ. მადლობა გაერთიანებული სამეფოს საგარეო საქმეთა მინისტრს, ჯეიმს კლევერლის ვიზიტისთვის!" - დაწერა სოციალურ ქსელში უკრაინის პრეზიდენტმა.

შეხვედრასთან დაკავშირებით, თავის მხრივ, ინფორმაცია გაავრცელა ჯეიმს კლევერლიმაც.

"გაერთიანებული სამეფო მხარს გიჭერთ მოქმედებით და არა მხოლოდ სიტყვებით. მე დღეს დაგპირდით და დიდი ბრიტანეთი პირობას შეასრულებს", - დაწერა მან Twitter-ზე.

ცნობისთვის, დიდი ბრიტანეთის საგარეო საქმეთა მინისტრამდე, უკრაინას ქვეყნის ახლად არჩეული პრემიერ-მინისტრი, რიში სუნაკიც სტუმრობდა.

ავტორი: ექსპრესნიუსი,

სოციალური ქსელები

უკრაინამ ჩაშალა კრემლის გეგმა, რომელიც მისი სამივე ატომური ელექტროსადგურის ქსელიდან გამოყვანას ითვალისწინებდა

პაპუაშვილი: უცხოურმა ფონდებმა საქართველოში პოლიტიკური მისია არ უნდა შეასრულონ

საქართველოში ადენაუერის ფონდის შემდეგ, ფრიდრიხ ნაუმანის ფონდიც იხურება

გენპროკურორის მოადგილე ბელთაძე, საეჭვო ვითარებაში გარდაცვლილ თემურ ხადურის დედას ნინო გვიშიანს შეხვდა