უწყვეტი თავდასხმები ინფრასტრუქტურაზე მიმართულია იმისთვის, რომ უკრაინის მშვიდობიანი მოსახლეობა სიცივესა და სიბნელეში დარჩეს, - ამის შესახებ ამერიკის შეერთებული შტატების სახელმწიფო მდივანმა, ენტონი ბლინკენმა განაცხადა.

როგორც მან Twitter-ზე დაწერა, რუსეთის აღნიშნული ტაქტიკა უკრაინისა და მისი პარტნიორების სიმტკიცეს ვერ დაარღვევს.

"უკრაინის მასშტაბით მილიონობით ადამიანი თავშესაფარშია, რადგან რუსეთმა ქვეყანა კიდევ ერთხელ დაბომბა რაკეტებით. ინფრასტრუქტურაზე უწყვეტი თავდასხმები მიმართულია იმისთვის, რომ უკრაინის მშვიდობიანი მოსახლეობა სიცივესა და სიბნელეში დარჩეს. ეს შემზარავი ტაქტიკა ვერ დაარღვევს უკრაინისა და მისი პარტნიორების სიმტკიცეს", - წერს ბლინკენი სოციალურ ქსელში.

ცნობისთვის, რუსებმა გუშინ, 23 ნოემბერს კიევი კიდევ ერთხელ დაბომბეს. თავდასხმის შედეგად, დედაქალაქს წყლის მიწოდება შეუწყდა. მოსახლეობა ასევე ელექტროენერგიის გარეშე დარჩა. 

კიევის მერის, ვიტალი კლიჩკოს განცხადებით, ოკუპანტებმა 31 რაკეტა ისროლეს, მათგან 21 უკრაინულმა მხარემ ჩამოაგდო.

ავტორი: ექსპრესნიუსი,

სოციალური ქსელები

უკრაინამ ჩაშალა კრემლის გეგმა, რომელიც მისი სამივე ატომური ელექტროსადგურის ქსელიდან გამოყვანას ითვალისწინებდა

პაპუაშვილი: უცხოურმა ფონდებმა საქართველოში პოლიტიკური მისია არ უნდა შეასრულონ

საქართველოში ადენაუერის ფონდის შემდეგ, ფრიდრიხ ნაუმანის ფონდიც იხურება

გენპროკურორის მოადგილე ბელთაძე, საეჭვო ვითარებაში გარდაცვლილ თემურ ხადურის დედას ნინო გვიშიანს შეხვდა