|
2022-11-23 15:29:11, 1027 ნახვა
საზოგადოება
არ არის საკმარისი საფუძველი, რომ პატრიარქმა პატრიარქთან ურთიერთობა გაწყვიტოს - მეუფე ნიკოლოზი კირილისთვის მილოცვაზე
რაც უკრაინაში დღეს ხდება, საქართველომ ეს გაიარა 90-იან წლებში და შემდეგ 2008 წლის ომში. ეს არ არის საკმარისი საფუძველი იმისა, რომ პატრიარქმა პატრიარქთან ურთიერთობა გაწყვიტოს, - ასე ეხმაურება ახალქალაქის, კარისა და კუმურდოს მიტროპოლიტი ნიკოლზი სრულიად საქართველოს კათოლიკოს-პატრიარქის მიერ რუსეთის პატრიარქ კირილისთვის დაბადების დღის მილოცვას. მიტროპოლიტის თქმით, ეკლესიებს შორის ურთიერთობის გაწყვეტას "ძალიან სერიოზული არგუმენტი" სჭირდება. "ეკლესიებს შორის არსებობს ურთიერთობა, რომლის გაწყვეტასაც სჭირდება ძალიან სერიოზული არგუმენტები. ჩვენ ეს ყველაფერი გავლილი გვაქვს. რაც უკრაინაში დღეს ხდება, საქართველომ ეს გაიარა ჯერ კიდევ 90-იან წლებში და შემდეგ 2008 წლის ომში. ეს არ არის საკმარისი საფუძველი იმისა, რომ პატრიარქმა პატრიარქთან ურთიერთობა გაწყვიტოს. არასწორია, მე ასე მიმაჩნია", - აცხადებს ახალქალაქისა და კუმურდოს ეპარქიის მმართველი. "ტყუილია, არ არის ეს სწორი ინფორმაცია. ეს არის გაბუქებული და შეცვლილი. ეს არის სრულიად რუსეთის პატრიარქი და მის ტერიტორიაზე მიმდინარეობს ომი. იმის თქმა, რომ პატრიარქი ყუმბარებს მირონს სცხებს და ისე აგზავნის სასროლად, ეს არის ტყუილი", - უთხრა მეუფე ნიკოლოზმა მედიის წარმომადგენლებს. ცნობისთვის, პატრიარქმა, ილია მეორემ პატრიარქ კირილს დაბადების დღე ამ სიტყვებით მიულოცა: "ამ რთულ დროში გისურვებთ ჯანმრთელობას და ყველა ღვთაებრივ სიკეთეს. გისურვებთ, ასევე, რომ თქვენი და საერთო ძალისხმევით რაც შეიძლება მალე აღდგენილიყოს სამართლიანობა და მშვიდობა რუსეთსა და უკრაინას შორის, ჩვენს სახელმწიფოებს შორის".
ხაბეიშვილი მოსამართლეებზე - ეს აბსოლუტური სკუნსები, როგორ ბედავენ საქართველოს სახელით საუბარს?! ეს თვალებყლეპია ხალხი ანწუხელიძეს, საქართველოს რა უფლებით ასამართლებს?!
ბოჭორიშვილი კატარის საგარეო საქმეთა სახელმწიფო მინისტრს, სულთან ბინ საად ალ-მურაიხის შეხვდა
პროკურატურა - ღარიბაშვილის უფლებების შესაძლო დარღვევაზე გამოძიების დაწყების საფუძველი არ არსებობს
კალასი - სირიისგან უნდა მივიღოთ უკრაინისა და საქართველოს ოკუპირებული ტერიტორიების არაღიარება
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ექსპრესნიუსი,



