მარკაზის პროვინციაში აქციის მონაწილეებმა ისლამური რევოლუციის ლიდერის, რუჰოლა ხომეინის სახლი დაწვეს. ამ რევოლუციის შედეგად ირანში მიღებულ იქნა ისლამური კანონები, რომლებიც გავლენას ახდენდნენ ირანის ცხოვრების ყველა ასპექტზე.

სოციალურ ქსელში გავრცელებული ფოტოებიდან ჩანს, რომ ქალაქ ხომეინში, რომელსაც მის პატივსაცემად დაერქვა, შენობის ნაწილს ცეცხლი უკიდია.

BBC წერს, რომ მიუხედავად იმისა, რომ საინფორმაციო სააგენტოებმა გადაამოწმეს გავრცელებული ვიდეოები, რეგიონული მთავრობა ინფორმაციას უარყოფს. ქალაქ ხომეინიდან გავრცელებულ ვიდეოებში ჩანს, რომ ხალხი ტაშს უკრავს სახლში გაჩენილ ხანძარს. Reuters და AFP აღნიშნავენ, რომ მათ გადაამოწმეს ადგილმდებარეობა. ირანის აქტივისტური ქსელი 1500Tasvir კი ამბობს, რომ კადრები ხუთშაბათს არის გადაღებული.

საპროტესტო აქციები ქვეყანაში სექტემბრის შუა რიცხვებში დაიწყო, მაჰსა ამინის გარდაცვალების შემდეგ, რომელიც ვიცე-პოლიციამ ჰიჯაბის არასწორი ტარების გამო დააკავა.

უფლებადამცველების შეფასებით, შეტაკებებს სულ მცირე 342 ადამიანი ემსხვერპლა.

ავტორი: ექსპრესნიუსი,

სოციალური ქსელები

საქართველოს ბანკის მხარდაჭერით, მეწარმე ქალთა განვითარების პროგრამის ფარგლებში, კიდევ 18 მეწარმე გადამზადდა

ეკონომიკური ზრდა მოლოდინებთან თანხვედრაშია, ინფლაციის სტრუქტურა იცვლება.

არასამთავრობო ორგანიზაციები პატიმრის გაუპატიურების ფაქტზე ხელისუფლების დაუყოვნებლივ რეაგირებას ითხოვენ

პროკურატურამ განსაკუთრებით დიდი ოდენობით უკანონო შემოსავლის ლეგალიზაციის ფაქტზე, დავით და გიორგი ფეიქრიშვილების მიმართ სისხლისსამართლებრივი დევნა დაიწყო