იქ, სადაც ხაბეიშვილი და მსგავსი პერსონაჟები იბრძვიან, ხელით ეხებიან თუ სცემენ ერთმანეთს, პარტიის ბედი წინასწარ არის გადაწყვეტილი - ამის შესახებ "ქართული ოცნების" დეპუტატმა, ალუდა ღუდუშაურმა "ნაციონალურ მოძრაობაში" მიმდინარე პროცესების შეფასაბისას განაცხადა. 

ღუდუშაურის თქმით, პარტიაში შიდა არეულობის მიზეზი ქონების და ძალაუფლების ვერ გაყოფა ხდება.

"იქ სადაც ხაბეიშვილი და მსგავსი პერსონაჟები იბრძვიან,ხელით ეხებიან ერთმანეთს თუ სცემენ ერთმანეთს,ნიკა მელია იქნება თუ სხვები ამ პარტიის ბედი არის გადაწყვეტილი. ხელგაშლილები ელოდებიან დამფინანსებლებისგან მოწყალებას, ვინ უფრო მეტს ფულს მიიღებს, ამისთვის ხდება მათთან შიდა არეულობა. მათგან მოსახლეობა იღებდა მხოლოდ წნეხს, შანტაჟს და ქვეყანა იღებდა ობსტრუქციას" - განაცხადა ღუდუშაურმა.

შეგახსენებთ, რომ 9 ნოემბერს, ირაკლი ნადირაძემ რეგიონულ ლიდერებთან ერთად გამართულ ბრიფინგზე განაცხადა, რომ "ერთიანი ნაციონალური მოძრაობის" ნაწილი პარტიაში შიდა არჩევნების ჩატარებასა და ახალი თავმჯდომარის არჩევას ითხოვს.

ამის საპასუხოდ, პარტიის მოქმედმა თავმჯდომარემ, ნიკა მელიამ თქვა, რომ ეს იყო ნაჩქარევი განცხადება, რომელსაც "შორსმიმავალი გეგმები" აქვს, თუმცა მზადაა, რომ თავმჯდომარის არჩევნებში მონაწილეობა მიიღოს.

თავმჯდომარის პოსტზე საკუთარი კანდიდატურა წარადგინა „ნაციონალური მოძრაობის“ წევრმა, გიორგი ჩალაძემ და ნიკა მელიასთან დაპირისპირებაში მყოფმა გიორგი მუმლაძემ.

ავტორი: ექსპრესნიუსი,

სოციალური ქსელები

ლიტერატურული პრემია „საბას“ 2026 წლის ფინალისტები ცნობილია

მერცი: აშშ-მ გერმანიისთვის Tomahawk-ის მიყიდვას დაამტკიცა

კალაძე: ბიძინა ივანიშვილი საქართველოს უახლეს ისტორიაში მართლაც ოქროს ასოებით ჩაიწერება

ISFED-მა იმედის 26 მაისის ქარდის მომწონებლებს შორის 1 500-ზე მეტი ტროლ-ბოტი გამოავლინა