სამხრეთ კორეა პირველად მიყიდის შეერთებულ შტატებს საარტილერიო ჭურვებს უკრაინაში გასაგზავნად. ამის შესახებ ინფორმაციას The Wall Street Journal-ი ავრცელებს.

გამოცემის ცნობით, ეს მიწოდება ვაშინგტონსა და სეულს შორის "საიდუმლო გარიგების" ნაწილი იქნება, თუმცა არ დასახელებულა ხელშეკრულების პირობები.

გაზეთის თანამოსაუბრეები აცხადებენ, რომ შეერთებული შტატები უკრაინაში გასაგზავნ 100 000-მდე საარტილერიო ჭურვის შეძენას გეგმავს. ვაშინგტონის გათვლებით, ეს თანხა საკმარისი იქნება რამდენიმე კვირის განმავლობაში ინტენსიური საომარი მოქმედებების გასატარებლად.

ოფიციალური პირების თქმით, საბრძოლო მასალის არაპირდაპირი გადაზიდვა სახელმწიფოების მეშვეობით საშუალებას აძლევს სეულს ოფიციალურად დარჩეს ვალდებულების ფარგლებში. ამავდროულად, ვაშინგტონი შეძლებს აირიდოს იარაღის საკუთარი არსენალის დახარჯვა.

შეგახსენებთ, რომ 2022 წლის მარტში სამხრეთ კორეამ რუსეთის ცენტრალურ ბანკთან ყველა ტრანზაქციის შეწყვეტის შესახებ გამოაცხადა. გადაწყვეტილება უკრაინაში სამხედრო შეჭრის საპასუხოდ მიიღეს.

გარდა ამისა, სამხრეთ კორეის მთავრობა უკრაინაში შეჭრის გამო რუსეთის ფედერაციისა და ბელარუსიის შეზღუდვაზე შეთანხმდა.

ამასთან, 2022 წლის სექტემბრის ბოლოს ცნობილი გახდა, რომ შეერთებული შტატები უკრაინისთვის სამხრეთ კორეის წარმოების იარაღს შეიძენს. მისი მიწოდება კი ჩეხეთის რესპუბლიკის შუამავლობით მოხდება.

ავტორი: ექსპრესნიუსი,

სოციალური ქსელები

რეჟიმის წარმომადგენელი კობახიძე კვლავ თვს ესხმის დიდ ბრიტანეთს და მის მოქმედ პრემიერს

სქროლვა-სქრინვის სამმართველო მოქალაქეს ივანიშვილის წყევლის გამო ან ჯარიმას დაუწესებს ან 20 დღე ციხეში გაუშვებს

რეჟიმის წარმომადგენელი კობახიძე სქროლვა-სქრინვის სამსახურს ოპტიმიზმით უყურებს

კობახიძე ევროსაბჭოს რეზოლუციაზე - აბსურდია ყველაფერი, რაზეც საუბარია რეზოლუციაში, საქართველო არის მოწინავე დემოკრატიის თვალსაზრისით