ეს პარტია უნდა დაუბრუნდეს ამომრჩეველს, - "ნაციონალური მოძრაობის" წევრი, ლევან ხაბეიშვილი პარტიის წევრებს მოუწოდებს, რომ მხარი დაუჭირონ შიდა არჩევნების ჩატარებას და ეს შესაძლებლობა გასაძლიერებლად გამოიყენონ. 

როგორც ხაბეიშვილმა ჟურნალისტებთან საუბრისას განაცხადა, პარტიის თავმჯდომარის პოსტზე საკუთარი კანდიდატურის წარდგენას არ აპირებს. 

"ამ პარტიას სჭირდება გადახალისება, ამ პარტიის თავმჯდომარეს სჭირდება ლეგიტიმაცია ამომრჩევლისგან და მეტიც,ეს პარტია უნდა დაუბრუნდეს ამომრჩეველს. ყველანაირი დაპირისპირება, გაუგებრობა, ერთმანეთთან რაიმე სახის დაპირისპირებაც კი, ჩემთვის არის მიუღებელი. მივმართავ ყველას, არჩევნები უნდა გამოვიყენოთ შესაძლებლობად და გასაძლიერებლად. ასე უნდა უზრუნველვყოთ ისეთი პარტიული სტრუქტურის ჩამოყალიბება, რომელიც წინააღმდეგობას გაუწევს და დაამარცხებს ოლიგარქს. შესაბამისად, მინდა გითხრათ ღიად რომ 80% ემხრობა პარტიის თავმჯდომარის არჩევნებსა და ცვლილებებს. ასევე, ჩვენი საკრებულოს წევრების უმრავლესობა ემხრობა არჩევნებს. შესაბამისად, ამაში ტრაგიკული არაფერი არ არის. მოგიწოდებთ, ვისაც რაიმე პრეტენზია გაგაჩნიათ, რომ "ნაცმოძრაობა" უნდა იყოს ძლიერი, შედით და წამოაყენეთ კანდიდატურა. ეს არჩევნები უნდა გამოვიყენოთ პარტიის გასაძლიერებლად. 

არანაირი პარტიის თავმჯდომარის არჩევნების მონაწილეობას ლევან ხაბეიშვილი არ აპირებს. მეტიც, მოვუწოდებ ყველა ლიდერს, ვისაც უნდა, რომ პარტიაში იყოს ცვლილებები და მე, ამის მომხრე ვარ. პარტიის თავმჯდომარეები მიდიან და მოდიან, ამაში ტრაგიკული არაფერი არ არის",- ამბობს ხაბეიშვილი. 

შეგახსენებთ, რომ გუშინ, 9 ნოემბერს, ირაკლი ნადირაძემ რეგიონულ ლიდერებთან ერთად გამართულ ბრიფინგზე განაცხადა, რომ "ერთიანი ნაციონალური მოძრაობის" ნაწილი პარტიაში შიდა არჩევნების ჩატარებასა და ახალი თავმჯდომარის არჩევას ითხოვს.

ამის საპასუხოდ, ნიკა მელიამ განაცხადა, რომ ეს იყო ნაჩქარევი განცხადება, რომელსაც "შორსმიმავალი გეგმები" აქვს, თუმცა მზადაა, რომ პარტიის არჩევნებში მონაწილეობა მიიღოს. 

ავტორი: ექსპრესნიუსი,

სოციალური ქსელები

ორბანის წინააღმდეგ გამოძიების ფარგლებში, თითქმის 20 მილიონი დოლარის ფარული ფონდი აღმოაჩინეს

ზელენსკი - აშშ-მ იკითხა, დატოვებდა თუ არა უკრაინა დონბასს ნატოში გაწევრიანების შემთხვევაში.

ელენე ხოშტარია ციხიდან საკონსტიტუციო სასამართლოს მოსამართლეებს მწვავე წერილით პასუხობს და კითხვებს უსვამს

პროკურატურა ფეიქრიშვილის საქმეზე პატარიძის და ფირცხალავას მიმართ გირაოს გამოყენებას მოითხოვს