სახალხო დამცველის შერჩევის პროცესი დასასრულს უახლოვდება. დღეს პარლამენტს ბოლო სამი კანდიდატისთვის უნდა მოესმინა, თუმცა საქართველოს სასამართლოს გუშაგის დირექტორმა, ნაზი ჯანეზაშვილმა გასაუბრებაში მონაწილეობაზე უარი თქვა. 

ჯანეზაშვილის თქმით, კანდიდატურის მოხსნას არ აპირებს, თუმცა გასაუბრების ეტაპმა დაუტოვა შთაბეჭდილება, რომ ეს არის "ერთგვარი შოუ", რომლის საფუძველზეც არ მოხდება კანდიდატის შერჩევა. 

"მე არ ვაპირებ, რომ მოვხსნა ჩემი კანდიდატურა, თუმცა ამავდროულად არ ვაპირებ, რომ მივიღო მონაწილეობა გასაუბრებაში. თავდაპირველად, ჩემი ინტერესი რომ ამ პროცესში მიმეღო მონაწილეობა განპირობებული იყო იმით, რომ ახლა ძალიან მნიშვნელოვანი ეტაპია საქართველოსთვის, 12 რეკომენდაციის შესრულების თვალსაზრისით და მივიჩნიე, რომ ეს შეიძლებოდა ყოფილიყო გამონაკლისი და ხელისუფლებას მართლა შეერჩია დამოუკიდებელი კანდიდატი, თუმცა, სამწუხაროდ, გასაუბრების ეტაპმა მე არ დამიტოვა შთაბეჭდილება, რომ შეარჩიონ ასეთი კანდიდატი, რომელიც იქნება საზოგადოებისთვის მისაღები და კვალიფიციური.  ეს პროცესი მიტოვებს შთაბეჭდილებას, რომ გასაუბრების საფუძველზე მოხდეს კანდიდატის შერჩევა და მგონია რომ ეს არის ერთგვარი შოუ და ამიტომაც გადავეწყვიტე, რომ არ მივიღო მონაწილეობა",- განაცხადა ჯანეზაშვილმა. 

ავტორი: ექსპრესნიუსი,

სოციალური ქსელები

ორბანის წინააღმდეგ გამოძიების ფარგლებში, თითქმის 20 მილიონი დოლარის ფარული ფონდი აღმოაჩინეს

ზელენსკი - აშშ-მ იკითხა, დატოვებდა თუ არა უკრაინა დონბასს ნატოში გაწევრიანების შემთხვევაში.

ელენე ხოშტარია ციხიდან საკონსტიტუციო სასამართლოს მოსამართლეებს მწვავე წერილით პასუხობს და კითხვებს უსვამს

პროკურატურა ფეიქრიშვილის საქმეზე პატარიძის და ფირცხალავას მიმართ გირაოს გამოყენებას მოითხოვს