ამერიკის შეერთებულ შტატებში ვიზიტის ფარგლებში, ფინანსთა მინისტრმა, ლაშა ხუციშვილმა და ეროვნული ბანკის პრეზიდენტმა, კობა გვენეტაძემ  შეხვედრები გამართეს საერთაშორისო სავალუტო ფონდის აღმასრულებელ დირექტორთან, პოლ ჰილბერსთან, ახლო აღმოსავლეთისა და ცენტრალური აზიის დეპარტამენტის უფროსთან, ჯიჰად აზურთან, საერთაშორისო სავალუტო ფონდის ფისკალურ საქმეთა დეპარტამენტის უფროსთან, ვიტორ გასპართან. 

შეხვედრებს დაესწრნენ მინისტრის მოადგილეები ეკატერინე გუნცაძე და მირზა გელაშვილი, ასევე, ეროვნული ბანკის ვიცე-პრეზიდენტი არჩილ მესტვირიშვილი.

პოლ ჰილბერსთან ხაზი გაესვა საქართველოსა და საერთაშორისო სავალუტო ფონდს შორის თანამშრომლობას ქვეყნის მაკროეკონომიკური სტაბილურობისა და სტრუქტურული რეფორმების მხარდაჭერის მიმართულებით.  

ყურადღება გამახვილდა 2022-2023 წლებსა და საშუალოვადიანი პერიოდის ფისკალური და მონეტარული პოლიტიკის საკითხებზე. 

ახლო აღმოსავლეთისა და ცენტრალური აზიის დეპარტამენტის უფროსთან შეხვედრისას აღინიშნა, რომ სსფ-ის მიერ, გლობალური ეკონომიკური ზრდის პროგნოზის შემცირების ფონზე, საქართველოს მიერ, გასულ და მიმდინარე წელს მიღწეული პროგრესი, საფუძველს იძლევა ქვეყანამ მომავალშიც შეინარჩუნოს ეკონომიკური ზრდის პოზიტიური დინამიკა.

ფისკალურ საქმეთა დეპარტამენტის უფროსთან შეხვედრაზე საუბარი შეეხო საერთაშორისო სავალუტო ფონდისა და ფინანსთა სამინისტროს თანამშრომლობის საკითხებს საჯარო ფინანსების აღრიცხვიანობის, ანგარიშვალდებულებისა და გამჭვირვალობის, ასევე, ფისკალური რისკების მართვის, საგადასახადო და საბაჟო ადმინისტრირების მიმართულებით.

ავტორი: NS (სტატია დაფინანსებულია),

სოციალური ქსელები

ორბანის წინააღმდეგ გამოძიების ფარგლებში, თითქმის 20 მილიონი დოლარის ფარული ფონდი აღმოაჩინეს

ზელენსკი - აშშ-მ იკითხა, დატოვებდა თუ არა უკრაინა დონბასს ნატოში გაწევრიანების შემთხვევაში.

ელენე ხოშტარია ციხიდან საკონსტიტუციო სასამართლოს მოსამართლეებს მწვავე წერილით პასუხობს და კითხვებს უსვამს

პროკურატურა ფეიქრიშვილის საქმეზე პატარიძის და ფირცხალავას მიმართ გირაოს გამოყენებას მოითხოვს