საქართველოს პარლამენტის თავმჯდომარე შალვა პაპუაშვილი კორეის რესპუბლიკის ეროვნული ასამბლეის თავმჯდომარეს ჟინ-პიო კიმს შეხვდა.

პარლამენტის პრესსამსახურის ინფორმაციით, შალვა პაპუაშვილმა მადლიერება გამოხატა კორეული მხარის მიმართ „კოვიდ-19“-ის პანდემიასთან ბრძოლაში საქართველოსთვის გაწეული მხარდაჭერისთვის, ამასთან, შეხვედრაზე ყურადღება გამახვილდა საპარლამენტო კავშირებზე და გამოიხატა არსებული თანამშრომლობის გაღრმავების მზაობა, მათ შორის, მეგობრობის ჯგუფებს შორის.

„შალვა პაპუაშვილმა აღნიშნა, რომ საქართველო დაინტერესებულია კორეის რესპუბლიკის გამოცდილებითა და საუკეთესო პრაქტიკით ლოჯისტიკური ინდუსტრიის, „ჭკვიანი“ ტექნოლოგიების, სტარტაპების განვითარების მიმართულებებით. შეხვედრაზე ხაზი გაესვა იმ ფაქტს, რომ 2022 წელს აღინიშნება საქართველოსა და კორეის რესპუბლიკას შორის დიპლომატიური ურთიერთობების 30-ე წლისთავი. შეხვედრა გაიმართა პარლამენტის თავმჯდომარის მიერ რუანდაში განხორციელებული ოფიციალური ვიზიტის ფარგლებში, სადაც საპარლამენტთაშორისო კავშირის 145-ე ასამბლეა იმართება“, – აღნიშნულია პარლამენტის მიერ გავრცელებულ ინფორმაციაში.

ავტორი: ექსპრესნიუსი,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს