"ოცნებაში" დაწერილი კითხვები ჩამოარიგეს, ოღონდ შეეშალათ მისამართი, ცოტა ადეკვატური კითხვის დამსმელები უნდა შეერჩიათ, - ასე შეაფასა "ერთიანი ნაციონალური მოძრაობის" წევრმა, რომან გოცირიძემ პარლამენტში ომბუდსმენის მისამართით დასმული შეკითხვები. 

გოცირიძის თქმით, ნინო ლომჯარიას საბჭოთა კავშირში რომ ეცხოვრა, დახვრეტდნენ, ვინაიდან მაგ დროს ყველა განსხვავებული აზრის მატარებელი "ხალხის მტრად მოიაზრებოდა". 

"ჩვენ ვხედავთ, რომ "ოცნებაში" დაწერილი კითხვები ჩამოარიგეს, ოღონდ შეეშალათ მისამართი, ცოტა ადეკვატური კითხვის დამსმელები უნდა შეერჩიათ. მათი მიზანია თქვენი ლანძღვა, მაგრამ იმედი ვიქონიოთ, რომ ამ ფლანგზე ერთი ადამიანი მაინც აღმოჩნდება, რომელსაც სინდისი შეაწუხებს და მადლობას გადაგიხდით თქვენ ძალიან კარგი მუშაობისთვის. 

ეს ხალხი და თქვენ საბჭოთა კავშირში რომ ყოფილიყავით, 70 წლის წინ, დაგხვრეტდნენ, ვინაიდან მაგ დროს ყველა განსხვავებული აზრის მატარებელი "ხალხის მტრად მოიაზრებოდა". და 500 წლის წინ რომ ყოფილიყავით, ინკვიზიციის პერიოდში, კოცონზე დაგწვავდნენ",- განაცხადა გოცირიძემ. 

ცნობისთვის, დღეს, პარლამენტში სახალხო დამცველს უსმენენ. ნინო ლომჯარია საკანონმდებლო ორგანოს წინაშე წლიური ანგარიშით წარსდგა.

ავტორი: ექსპრესნიუსი,

სოციალური ქსელები

ირანის რეჟიმის პრეზიდენტმა მადლობა გადაუხადა ყაველაშვილს აიათოლა ალი ხამენეის დაკრძალვაზე დასწრებისთვის

უკრაინამ იერიში მიიტანა ყუბანში მდებარე ილსკის ნავთობგადამამუშავებელ ქარხანაზე და როსტოვში მდებარე დიდ თავდაცვით ქარხანაზე

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა