სამცხე-ჯავახეთის  სახელმწიფო რწმუნებულმა ბესიკ ამირანაშვილმა, ადგილობრივი თვითმმართველობის წარმომადგენლებთან ერთად, აფხაზეთის ომში დაღუპულთა ხსოვნას პატივი მიაგო და გმირთა მემორიალი გვირგვინით შეამკო.

„სოხუმის დაცემის დღე ერთ-ერთი ტრაგიკული და მტკივნეულია საქართველოსთვის, დღეს გავიხსენეთ გმირები, რომლებიც ჩვენი ქვეყნის მთლიანობას ემსხვერპლნენ. მათ ყველაზე ძვირფასი, საკუთარი სიცოცხლე შესწირეს საქართველოს, ჩვენს მომავალს“-აღნიშნა სახელმწიფო რწმუნებულმა.

 სოხუმის დაცემიდან 29 წელი გავიდა ქალაქ ახალციხეში კიდევ ერთხელ გაიხსენეს აფხაზეთში განვითარებული ტრაგიკულ მოვლენები და პატივი მიაგეს საქართველოს ტერიტორიული მთლიანობისთვის დაღუპულ გმირთა ხსოვნას. ქალაქის ცენტრალურ პარკში, სამხარეო და ადგილობრივი თვითმმართველობის წარმომადგენელებმა ყვავილებით და გვირგვინებით შეამკეს გმირთა მემორიალი. ღონისძიებაში მონაწილეობა ფოლკლორულმა ანსამბლმა „მესხეთმა“ მიიღო. საქართველოს ტერიტორიული მთლიანობისათვის გარდაცვლილთა სულების მოსახსენიებელი პანაშვიდი მამა იოანე გელაშვილმა გადაიხადა. 

აფხაზეთში შეიარაღებული კონფლიქტი 1992 წლის 14 აგვისტოს დაიწყო. საომარი მოქმედებები 13 თვის და 13 დღის განმავლობაში გრძელდებოდა და 1993 წლის 27 სექტემბერს, სოხუმის დაცემით დასრულდა. შედეგად, 300 ათასზე მეტი ადამიანი დევნილად იქცა საკუთარ ქვეყანაში, უგზო-უკვლოდ დაიკარგა 5 ათასამდე მშვიდობიანი მოსახლე და ათასობით ქართველმა მებრძოლმა საკუთარი სიცოცხლე შესწირა სამშობლოს.

ავტორი: NS (სტატია დაფინანსებულია),

სოციალური ქსელები

გებელსიადა ComCom-ში საბჭოთა ცენზურის დაცვით

„ქართული ოცნების“ გამოცხადებული ღალატის ქრონიკა

კობახიძემ შპს „სოლიდუსს“ სამი თვით გაუგრძელდა ოკუპირებულ ტერიტორიაზე საქმიანობისთვის სპეციალური თანხმობის მოქმედება

ერთ-ერთი კომპანია, რომელმაც ოკუპირებულ აფხაზეთში ბენზინი შეიტანა „სოლიდუსია“ მისი მფლობელი გიორგი არველაძეა