2022-09-22 10:46:50, 627 ნახვა
მსოფლიო
ბალტიის ქვეყნები უარს აცხადებენ, მიიღონ რუსეთის მოქალაქეები, რომლებიც სამხედრო მობილიზაციას გაურბიან
ევროკავშირის წევრი და რუსეთის მოსაზღვრე ქვეყნები - ლიეტუვა, ლატვია და ესტონეთი თავშესაფარს არ შესთავაზებენ რუსეთის მოქალაქეებს, რომლებიც პრეზიდენტ ვლადიმერ პუტინის მიერ გამოცხადებულ ნაწილობრივ სამხედრო მობილიზაციას გაურბიან. აღნიშნულ ინფორმაციას სააგენტო "როიტერი" ავრცელებს. როგორც ესტონეთის საგარეო საქმეთა მინისტრმა გამოცემას უთხრა, სამოქალაქო მოვალეობაზე უარის თქმა თავშესაფრის მინიჭების საფუძველი ვერ გახდება. "რუსეთში სამოქალაქო მოვალეობის შესრულებაზე უარის თქმა ან ამის სურვილი არ წარმოადგენს საკმარის საფუძველს სხვა ქვეყანაში თავშესაფრის მინიჭებისთვის", - განუცხადა ესტონეთის საგარეო საქმეთა მინისტრმა, ურმას რეინსალუმ „როიტერს“. უფრო ადრე კი, ლიეტუვის შინაგან საქმეთა მინისტრმა აღნიშნა, რომ რუსეთიდან თავშესაფრის მაძიებელთა საქმეები ცალკე უნდა იქნას განხილული, ლატვიის საგარეო საქმეთა მინისტრმა კი, რუსი ლტოლვილების მიღებასთან დაკავშირებით, ყურადღება უსაფრთხოების საკითხებზე გაამახვილა. შეგახსენებთ, რუსეთის პრეზიდენტმა, ვლადიმერ პუტინმა 21 სექტემბრიდან ქვეყანაში ნაწილობრივი მობილიზაცია გამოაცხადა. შესაბამის განკარგულებას პუტინმა ხელი უკვე მოაწერა. მისი თქმით, რუსეთის ფედერაციაში ნაწილობრივი მობილიზაციის ფარგლებში გაწვევას მხოლოდ რეზერვი და სამხედრო გამოცდილების მქონე მოქალაქეები დაექვემდებარებიან. ნაწილებში გაგზავნამდე, სამხედრო სამსახურში გამოძახებულები, სპეციალური სამხედრო ოპერაციის გამოცდილების გათვალისწინებით, გაივლიან დამატებით სამხედრო მომზადებას. მას შემდეგ, რაც ქვეყანაში ნაწილობრივი სამხედრო მობილიზაცია გამოცხადდა, რუსეთის მოქალაქეები, ყველა მხრიდან, ქვეყნის ტერიტორიის დატოვებას ცდილობენ. რიგებია, მათ შორის, რუსეთ-ფინეთისა და რუსეთ-საქართველოს საზღვარზე. ავტორი: ექსპრესნიუსი, „მოვახდენთ იდენტიფიცირებას იმ პირების, ვინც ხელოვნურად კეტავს გზას“ - პოლიცია აქციის მონაწილეებს გზის გათავისუფლებისკენ მოუწოდებს
ვლადიმერ პუტინი მაისში ჩინეთში ვიზიტს გეგმავს
CNN - ტანზანიაში წყალდიდობის შედეგად 155 ადამიანი დაიღუპა - დაშავებულია 230-ზე მეტი ადამიანი
შოლცი - საფრანგეთს და გერმანიას სურს, რომ ევროპა ძლიერი დარჩეს
|
ომი უკრაინაშირუსებმა ხარკოვის ოლქში ბალაკლიას რაიონი დაბომბეს - არიან დაშავებულები
Reuters - აშშ-მა უკრაინას ATACMS-ის რაკეტები ფარულად გაუგზვნა
უკრაინის გენშტაბი - საომარი მოქმედებების დაწყებიდან დღემდე, უკრაინაში 462 980-მდე რუსი ჯარისკაცი მოკლეს
ვიდეო/LIVE საქართველოს დამოუკიდებლობის დღე - პირდაპირი
ევროპარლამენტმა „უცხოური გავლენის გამჭვირვალობის შესახებ“ კანონპროექტთან დაკავშირებით რეზოლუცია მიიღო
მთავარი თემა
|