მოსახლეობის უმეტესობამ დღეს დაბომბვის გამო დატოვა გეღარქუნიკის რაიონის საზღვრისპირა სოფელი სოთკი, მხოლოდ რამდენიმე ოჯახი დარჩა, - აცხადებენ ადგილობრივები. მათივე ინფორმაციით, დაზიანებულია სახლების ნაწილი, ერთი სახლი მთლიანად დაიწვა.

„კავკასიური კვანძი“ იტყობინება, რომ აზერბაიჯანის შეიარაღებულმა ძალებმა წამოიწყეს ფართომასშტაბიანი პროვოკაცია, ისინი თავს ესხმიან სამოქალაქო ინფრასტრუქტურულ ობიექტებს, არიან დაღუპულები და დაჭრილები, განაცხადა დღეს სომხეთის თავდაცვის სამინისტროს პრესსპიკერმა არამ ტოროსიანმა. სომხეთის პროვოკაციების საპასუხოდ მხოლოდ სამხედრო ობიექტების დაბომბვა ხდება, უპასუხა აზერბაიჯანის თავდაცვის სამინისტრომ. სომხეთისა და აზერბაიჯანის საზღვარზე ცეცხლის შეწყვეტის რეჟიმი, რუსული მხარის შუამავლობით მიღწეული შეთანხმება, ძალაშია ადგილობრივი დროით 09:00 საათიდან (მოსკოვის დროით 08:00 საათიდან), განაცხადა დღეს რუსეთის საგარეო საქმეთა სამინისტრომ. საზღვარზე დაბომბვის ინტენსივობა შემცირდა, მაგრამ აზერბაიჯანელი სამხედროები აგრძელებენ წინსვლის მცდელობებს სოფლების სოტკის, ნერკინის და ვერინ შორჟას, არტანიშის მიმართულებით, განაცხადა დღეს სომხეთის თავდაცვის სამინისტრომ.

ავტორი: ექსპრესნიუსი,

სოციალური ქსელები

აშშ-უკრაინის აღდგენის ფონდმა ხელი მოაწერა პირველ სამთომოპოვებით შეთანხმებას

აშშ-ის იუსტიციის დეპარტამენტმა სასამართლოს სთხოვა, ტრამპს თეთრ სახლში CNN-ის, MS NOW-ისა და Politico-ს შესვლის აკრძალვის ნება დართოს

გამოკითხვა: ბრიტანელების თითქმის ნახევარი ევროკავშირში დაბრუნებას უჭერს მხარს

ე.წ ქურდულ სამყაროსთან კავშირში მყოფი 80 პირი დააკავეს, 14 პირს ბრალი დაუსწრებლად წარედგინება - ვიდეო