მსოფლიოს ორგანიზაციებმა ხმა უნდა აღიმაღლონ ნიკა გვარამიას დაპატიმრების წინააღმდეგ. - ამის შესახებ „მთავარი არხის" გადაცემაში "დღის სტუმარი" ევროპის პოლიტიკის ანალიტიკური ცენტრის (CEPA) მკვლევარმა, ნიკოლას ტენზერმა განაცხადა.

მისივე თქმით, სააკაშვილის საქმესაც იგივე ეხება. 

"მე ვფიქრობ, როდესაც საქმე გვაქვს ისეთ ფაქტთან, როგორიცაა თქვენი დირექტორის დაპატიმრება მიუკერძოებლობის ყველა პრინციპის დარღვევით, ასეთ შემთხვევაში ევროკავშირმა და აშშ-მა რეაგირება უნდა მოახდინონ. იმიტომ რომ ეს ადამიანის უფლებების საკითხია, ევროკავშირი და აშშ კი დაფუძნებულია სწორედ ადამიანის უფლებების დაცვაზე, კანონის უზენაესობაზე და თავისუფალი მედიის პრინციპებზე. ამიტომ, მე ვთვლი, რომ არა მხოლოდ ევროკავშირმა და აშშ-მა, არამედ მთელი ცივილიზებული მსოფლიოს ორგანიზაციებმა ხმა უნდა აღიმაღლონ ამ ფაქტის წინააღმდეგ და მოითხოვონ საქართველოს მთავრობისგან ახსნა-განმარტებები ამ საქმეზე, რომელიც აბსურდული ჩანს.
სააკაშვილის საქმესაც იგივე ეხება. როდესაც ქვეყანაში პოლიტიკური ოპონენტები ციხეში ზიან, ეს ნიშნავს, რომ ასეთ ქვეყანაში სრულებით არ სცემენ პატივს პრესისა და პოლიტიკურ თავისუფლებას. ეს კი შემაშფოთებელია და ხმა აუცილებლად უნდა აღვიმაღლოთ. ჩვენ უკვე ვისაუბრეთ ევროკავშირის გადაწყვეტილებაზე და თქვენი დირექტორის, ასევე მიხეილ სააკაშვილის დაკავება იმ მიზეზთა შორის იყო, რომელთა გამოც ევროკავშირმა ეს გადაწყვეტილება მიიღო.
რაც შეეხება იმას, შეიწყალებს თუ არა მათ პრეზიდენტი, ეს თავად პრეზიდენტის გადასაწყვეტია. თუმცა, მეორეს მხრივ, როგორ უნდა შეიწყალო ადამიანი, რომელსაც არაფერი ჩაუდენია? ესეც ხომ პრობლემაა? ამიტომ, აქ უნდა იყოს სრული გამჭვირვალობა. მე ნამდვილად ვერ შევასრულებ ქართული მართლმსაჯულების როლს, მაგრამ მე ვთვლი, რომ აშშ-მა, ევროკავშირმა და თითოეულმა ქვეყანამ უნდა მოითხოვოს საქართველოს მთავრობისგან და სასამართლოსგან განმარტება ამასთან დაკავშირებით". - ნათქვამია განცხადებაში.

შეგახსნეებთ, რომ ნიკა ადგილობრივი და საერთაშორისო ორგანიზაციების აზრით აბსურდული ბრალდბით ზის.

ავტორი: ექსპრესნიუსი,

სოციალური ქსელები

ზელენსკი - აშშ-მ იკითხა, დატოვებდა თუ არა უკრაინა დონბასს ნატოში გაწევრიანების შემთხვევაში.

ელენე ხოშტარია ციხიდან საკონსტიტუციო სასამართლოს მოსამართლეებს მწვავე წერილით პასუხობს და კითხვებს უსვამს

პროკურატურა ფეიქრიშვილის საქმეზე პატარიძის და ფირცხალავას მიმართ გირაოს გამოყენებას მოითხოვს

ფეიქრიშვილზე ძალადობისთვის ყიფიანს, ბილანიშვილს და კიდევ 3 პირს აღკვეთის სახით პატიმრობა შეეფარდათ