ერაყის დედაქალაქში უსაფრთხოების ძალებსა და გავლენიანი შიიტი სასულიერო პირის მუქთადა ალ სადრის მომხრეებს შორის შეტაკებებისას სულ მცირე 20 ადამიანი დაიღუპა, ათობით ადამიანი კი დაშავდა.

ალ-სადრის მომხრეები ბაღდადის „მწვანე ზონაში“ მთავრობის შენობაში შეიჭრნენ. არეულობა მას შემდეგ დაიწყო, რაც შიიტმა სასულიერო პირმა პოლიტიკიდან წასვლის შესახებ განაცხადა.

 ქუჩაში ისმოდა სროლის ხმა. არეულობა ერაყის სამხრეთით მდებარე რამდენიმე ქალაქშიც გავრცელდა.

ერაყის პრემიერ-მინისტრის მოვალეობის შემსრულებელმა, მუსტაფა ალ-ქადიმიმ მოსახლეობას სიმშვიდისკენ მოუწოდა და ქვეყანაში კომენდანტის საათი გამოცხადდა.

შეტაკებები ძირითადად ერაყის დედაქალაქის მწვანე ზონაში მიმდინარეობდა. არეულობის გამო ნიდერლანდების საელჩოს თანამშრომლები იძულებულები გახდნენ, გერმანიის მისიის შენობაში გადასულიყვნენ.

შეტაკებების გამო ირანმა ერაყთან საზღვარი ჩაკეტა, ქუვეითმა კი თავის მოქალაქეებს ერაყის დაუყოვნებლივ დატოვებისკენ მოუწოდა.

„ბიბისის“ ცნობით, შეტაკებების ნაწილი ალ სადრის მხარდამჭერი „მშვიდობის ბრიგადების“ მებრძოლებსა და ერაყის შეიარაღებული ძალების წევრებს შორის მიმდინარეობდა. სოციალურ ქსელებში გავრცელებულ ვიდეოში ჩანს, რომ ზოგიერთი მებრძოლი მძიმე შეიარაღებას იყენებს.

მუსტაფა ალ-ქადიმიმ სასულიერო პირს ჩარევისკენ და ძალადობის შეწყვეტისკენ მოუწოდა. მოგვიანებით ალ-სადრმა განცხადება გაავრცელა, სადაც აღნიშნა, რომ შიმშილობა დაიწყო, ვიდრე ძალადობა და იარაღის გამოყენება არ შეწყდება.

ერაყში საპროტესტო აქციები და პოლიტიკური კრიზისი გასული წლის ოქტომბერში დაიწყო, როდესაც ალ სადრის პარტიამ საპარლამენტო არჩევნებში ყველაზე მეტი მანდატი მოიპოვა, თუმცა მთავრობის ჩამოსაყალიბებლად საკმარისი ხმები ვერ დააგროვა. ალ სადრმა უარი განაცხადა პროირანულ შიიტ მეტოქეებთან მოლაპარაკებებზე, რამაც ქვეყანაში პოლიტიკური არასტაბილურობა შექმნა.

ავტორი: ექსპრესნიუსი,

სოციალური ქსელები

კირცხალია პატიმრის გაუპატიურებაზე - უტევენ იმას, სადაც არის რეალურად ჯანსაღი სიტუაცია, სადაც არის მაღალი სტანდარტები

მოვუწოდებთ ევროკავშირს, მიზანმიმართული სანქციები დაუწესოს იმ პირებს, რომლებიც საქართველოში რეპრესიებსა და დემოკრატიისთვის ძირის გამოთხრაზე არიან პასუხისმგებელი - ALDE Party

NYT: აშშ-სა და რუსეთს შორის უკრაინასთან დაკავშირებული მოლაპარაკებები ლუკოილის აქტივების მრავალმილიარდიანი გარიგების საგანია

საფრანგეთში სკოლებში გამართული საპროტესტო აქციები ქუჩის არეულობაში გადაიზარდა, ერთ კვირაში 5000-ზე მეტი ადამიანი დააკავეს