ჩვენ მხარს დავუჭერთ უკრაინას მანამ, სანამ ეს დასჭირდება. ჩვენ ამას ვაკეთებთ უკრაინისთვის და ჩვენი ევროპული ღირებულებების შესანარჩუნებლად, - ამის შესახებ ევროკომისიის პრეზიდენტმა, ურსულა ფონ დერ ლეიენმა ბლედის სტრატეგიულ ფორუმზე სიტყვით გამოსვლისას განაცხადა. 

მისი თქმით, ამ წლის დასაწყისში რუსეთმა და ჩინეთმა ღიად გამოაცხადეს ე.წ. შეუზღუდავი მეგობრობა და რამდენიმე კვირის შემდეგ, რუსეთმა დაიწყო ომი უკრაინის წინააღმდეგ. როგორც ლაიენმა დასძინა, მესიჯი იყოს ძალიან მკაფიო.

"არ შეიძლება ითქვას, რომ მსოფლიო ძალიან ყურადღებით ადევნებს თვალს ჩვენს პასუხს რუსეთის აგრესიაზე. ფსონები ყველასთვის ნათელია. ამ წლის დასაწყისში რუსეთმა და ჩინეთმა ღიად გამოაცხადეს ე.წ. შეუზღუდავი მეგობრობა. და მხოლოდ რამდენიმე კვირის შემდეგ, რუსეთმა დაიწყო ომი უკრაინის წინააღმდეგ . მესიჯი არ შეიძლება იყოს უფრო მკაფიო. თუ ჩვენ გვინდა შევინარჩუნოთ ისეთი ძირითადი პრინციპები, როგორიცაა თვითგამორკვევა და საზღვრების ხელშეუხებლობა, პუტინი ვერ მოიგებს ამ ომს. და უკრაინამ უნდა მოიგოს ეს ომი. ეს აბსოლუტურად გასაგებია. სწორედ ამიტომ მოვახდინეთ ჩვენი ეკონომიკური ძალის მობილიზება ისე, როგორც არასდროს. რამდენიმე დღეში და კვირაში ჩვენ დავამტკიცეთ ყველაზე შორსმიმავალი სანქციები, რაც კი ოდესმე განხორციელებულა. სანქციები კი უზარმაზარ ზიანს აყენებს კრემლის უნარს ომის წარმოებაში. ეს თავად პუტინმაც აღიარა. და ზიანი მხოლოდ დროთა განმავლობაში გაიზრდება. გარდა ამისა, ომის დაწყებიდან დღემდე უკრაინას ფინანსურად ვუჭერთ მხარს 10 მილიარდ ევროზე მეტით და მე არ ვგულისხმობ ჩვენი წევრი ქვეყნების ორმხრივ მხარდაჭერას. და ჩვენ ვმუშაობთ შემდეგ ტრანშზე. მეტი მოუწევს უკრაინას. ჩვენ მხარს დავუჭერთ უკრაინას მანამ, სანამ ეს დასჭირდება. ჩვენ ამას ვაკეთებთ უკრაინისთვის. ჩვენ ამას ვაკეთებთ ჩვენი ევროპული ღირებულებების შესანარჩუნებლად",- განაცხადა ურსულა ფონ დერ ლეიენმა.

ავტორი: ექსპრესნიუსი,

სოციალური ქსელები

კირცხალია პატიმრის გაუპატიურებაზე - უტევენ იმას, სადაც არის რეალურად ჯანსაღი სიტუაცია, სადაც არის მაღალი სტანდარტები

მოვუწოდებთ ევროკავშირს, მიზანმიმართული სანქციები დაუწესოს იმ პირებს, რომლებიც საქართველოში რეპრესიებსა და დემოკრატიისთვის ძირის გამოთხრაზე არიან პასუხისმგებელი - ALDE Party

NYT: აშშ-სა და რუსეთს შორის უკრაინასთან დაკავშირებული მოლაპარაკებები ლუკოილის აქტივების მრავალმილიარდიანი გარიგების საგანია

საფრანგეთში სკოლებში გამართული საპროტესტო აქციები ქუჩის არეულობაში გადაიზარდა, ერთ კვირაში 5000-ზე მეტი ადამიანი დააკავეს