აშშ-ის თავდაცვის დეპარტამენტმა, უკრაინის უსაფრთხოების დახმარების ფარგლებში, გააფორმა კონტრაქტი Raytheon Co-თან ეროვნული მოწინავე საზენიტო-სარაკეტო სისტემების (NASAMS) შესაძენად.

როგორც პენტაგონის განცხადებაშია ნათქვამი, ტრანზაქციის მოცულობა 182,2 მლნ დოლარია, სამუშაოების დასრულების სავარაუდო თარიღი კი, 2024 წლის 23 აგვისტოა. 

ამ კვირაში შეერთებულმა შტატებმა გამოაცხადა უკრაინის სამხედრო დახმარების ახალი პაკეტი 3 მილიარდი დოლარის ოდენობით. როგორც აშშ-ის თავდაცვის დეპარტამენტმა განაცხადა, ეს პაკეტი, რომელიც უზრუნველყოფილია უკრაინის უსაფრთხოების მხარდაჭერის ინიციატივის (USAI) ფარგლებში, იქნება გრძელვადიანი ინვესტიცია უკრაინის შეიარაღებული ძალების მშენებლობაში, რომელიც აგრძელებს მისი სუვერენიტეტის დაცვას.

ახალი პაკეტის ფარგლებში, შეერთებული შტატები იღებს ვალდებულებას უკრაინას მიაწოდოს ექვსი დამატებითი NASAMS, ასევე დიდი რაოდენობით საბრძოლო მასალა სხვადასხვა ტიპის იარაღისა და სხვა სამხედრო აღჭურვილობისთვის.

ამერიკული დახმარების წინა ტრანშებისგან განსხვავებით, მიმდინარე პაკეტიდან თანხა განკუთვნილია იარაღის მწარმოებლებისთვის შეკვეთებისთვის.

პენტაგონმა განაცხადა, რომ 2021 წლის იანვრიდან შეერთებულმა შტატებმა უკრაინას უკვე მიაწოდა ან გეგმავს 13,5 მილიარდი დოლარის სამხედრო დახმარებას.

ავტორი: ექსპრესნიუსი,

სოციალური ქსელები

კირცხალია პატიმრის გაუპატიურებაზე - უტევენ იმას, სადაც არის რეალურად ჯანსაღი სიტუაცია, სადაც არის მაღალი სტანდარტები

მოვუწოდებთ ევროკავშირს, მიზანმიმართული სანქციები დაუწესოს იმ პირებს, რომლებიც საქართველოში რეპრესიებსა და დემოკრატიისთვის ძირის გამოთხრაზე არიან პასუხისმგებელი - ALDE Party

NYT: აშშ-სა და რუსეთს შორის უკრაინასთან დაკავშირებული მოლაპარაკებები ლუკოილის აქტივების მრავალმილიარდიანი გარიგების საგანია

საფრანგეთში სკოლებში გამართული საპროტესტო აქციები ქუჩის არეულობაში გადაიზარდა, ერთ კვირაში 5000-ზე მეტი ადამიანი დააკავეს