2022-08-17 15:23:33, 975 ნახვა
მსოფლიო
გერმანია ამერიკული ნავთობის იმპორტს ზრდის
გერმანია რუსული ნავთობის ამერიკულით ჩანაცვლებას ცდილობს.
როგორც Reuters იტყობინება, გერმანიაში აშშ-ს მექსიკის ყურის ოფშორული საბადოდან ნედლი ნავთობის მეორე გადაზიდვა განხორციელდა.
ევროპა მიზნად ისახავს რუსეთის ნავთობის იმპორტის 90%-ის შემცირებას მიმდინარე წლის ბოლომდე. ანალიტიკოსების აზრით, ალტერნატიული მარაგებს ნორვეგიაში, ახლო აღმოსავლეთში, შეერთებულ შტატებსა და დასავლეთ აფრიკაში მოიძიებენ.
ბოლო 6 წლის განმავლობაში პირველად, ევროპა ამერიკული ნავთობის ყველაზე მსხვილი შემსყიდველი გახდა და აზიას გაასწრო. მიმდინარე წლის იანვრიდან მაისამდე ევროპამ აშშ-გან საშუალოდ დაახლოებით 213.1 მილიონი ბარელი ნედლი ნავთობი მიიღო, აზიამ კი 191.1 მილიონი ბარელი.
ავტორი: ექსპრესნიუსი,
epn.ge (@expressnews.ge)
