შინაგან საქმეთა სამინისტროს ცნობით, თბილისის პოლიციის დეპარტამენტის საგამოძიებო მთავარი სამმართველოსა და დეტექტივების სამმართველოს თანამშრომლებმა დედის განზრახ მკვლელობის ბრალდებით 17 წლის ნ.ხ. დააკავეს. გამოძიების ცნობით, დაკავებულია არასრულწლოვნის 19 წლის რ.ნ.-ც, რომელიც მას მკვლელობაში ეხმარებოდა. 

შსს-ს ცნობით, 14 აგვისტოს ურთიერთშელაპარაკების ნიადაგზე ბრალდებულმა ნ.ხ.-მ 1988 წელს დაბადებულ დედას, ინიციალებით ჟ.ხ. საკუთარ სახლში დანით სხეულზე რამდენიმე ჭრილობა მიაყენა. 

"გამოძიებით ასევე დადგინდა, რომ მას მეგობარი ეხმარებოდა. მიყენებული დაზიანებების შედეგად, ჟ.ხ. ადგილზე გარდაიცვალა. სამართალდამცველებმა ნ.ხ. და რ.ნ. მომხდარიდან მალევე ბრალდებულის სახით დააკავეს". – წერია განცხადებაში. 

გამოძიება სისხლის სამართლის კოდექსის 11 პრიმა-109-ე მუხლის ი ქვეპუნქტით და 109 მუხლის ი ქვეპუნქტით მიმდინარეობს, რაც ოჯახის წევრის მიმართ ჯგუფურად ჩადენილ განზრახ მკვლელობას და ჯგუფურად ჩადენილ განზრახ მკვლელობას გულისხმობს. 

დანაშაულები 16-დან 20 წლამდე ან უვადო თავისუფლების აღკვეთას ითვალისწინებს

ავტორი: ექსპრესნიუსი,

სოციალური ქსელები

სინდისის პატიმრების ოჯახის წევრები საზოგადოებას აქტიურობისკენ და მხარდაჭერისკენ მოუწოდებენ

დეკანოიძე - ოცნება თავად ასხივებს უწიგნურობას, ძალადობას და სიძილვილს, თუმცა სხვებს აპატიმრებს

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს

უკრაინამ ვოლგოგრადში მდებარე „ისკანდერის“ სარაკეტო ქარხანას „ფლამინგოს“ რაკეტები დაარტყა