აშშ-ის FBI-ის აგენტებმა 8 აგვისტოს აშშ-ის ყოფილი პრეზიდენტის დონალდ ტრამპის სამკვიდროში მარ-ა-ლაგოში, ფლორიდაში ჩატარებული ჩხრეკისას ამოიღეს საიდუმლო დოკუმენტების 11 ნაკრები. ამის შესახებ The Wall Street Journal-ი ამოღებული მასალების სიაზე დაყრდნობით იუწყება.

ჩამონათვალში, სხვა საკითხებთან ერთად, შედის დოკუმენტები, რომლებიც კლასიფიცირებულია როგორც „საიდუმლო“, რომლებზე წვდომა, WSJ-ის ცნობით, მხოლოდ სპეციალურ სამთავრობო დაწესებულებებშია შესაძლებელი.

ტრამპის ადვოკატები ამტკიცებენ, რომ ყოფილმა პრეზიდენტმა, სანამ ის თეთრ სახლს დატოვებდა, გაასაიდუმლოა მის უფლებამოსილებაში აღმოჩენილი დოკუმენტები. თავად ტრამპმა თქვა, რომ FBI-ს აგენტებისთვის „არ იყო საჭირო“ საიდუმლო დოკუმენტების ჩამორთმევა: ბიუროს შეეძლო მათი მოპოვება ნებისმიერ დროს, „პოლიტიკის თამაშისა და მარ-ა-ლაგოში შეჭრის გარეშე“.

The Washington Post იტყობინება, რომ წყაროების თანახმად, FBI-ს აგენტები ეძებდნენ ტრამპის რეზიდენციის ჩხრეკისას, იყო საიდუმლო დოკუმენტები, რომლებიც ეხებოდა ბირთვულ იარაღს. აღმოჩნდა თუ არა ასეთი დოკუმენტები უცნობია. ტრამპმა WP-ის გამოცემაზე კომენტირებისას თქვა, რომ „ატომური იარაღის საკითხი სისულელეა“.

საერთო ჯამში, FBI-ის აგენტებმა ტრამპის სახლიდან 20-მდე ყუთი დოკუმენტები, ფოტოები და ნოტები ამოიღეს, წერს WSJ. ჩამორთმეული დოკუმენტების სამგვერდიანი ინვენტარი შეიცავს ტრამპის განკარგულებას მისი ყოფილი მრჩევლის როჯერ სტოუნის შეწყალების შესახებ, ასევე ინფორმაცია „საფრანგეთის პრეზიდენტის“ შესახებ.

8 აგვისტოს საღამოს დონალდ ტრამპმა გამოაცხადა, რომ FBI-ის აგენტებმა პალმ ბიჩში, მარ-ა-ლაგოს რეზიდენციაში სახლი გაჩხრიკეს. The New York Times-მა დაწერა, რომ ჩხრეკა განხორციელდა იმის გამო, რომ ტრამპმა, თეთრი სახლიდან წასვლის შემდეგ, თან წაიღო სამთავრობო დოკუმენტები.

ავტორი: ექსპრესნიუსი,

სოციალური ქსელები

დროა: პენიტენციურმა პირობა დაარღვია და ხოშტარიასთან მისი მკურნალი ექიმი არ შეუშვა

ევროსაბჭოს საპარლამენტო ასამბლეამ საქართველოზე კრიტიკული რეზოლუცია მიიღო

კომერსანტი: კრემლში თქვეს, რომ ე.წ. სამხრეთ ოსეთის სტატუსის გადაწყვეტის დრო დადგა

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს