სასოფლო გზების მოწესრიგება, რეაბილიტაცია და ახლის მშენებლობა შუახევის მერიის ერთ-ერთი მთავარი პრიორიტეტია. მიმდინარე წელს, შუახევში საგზაო ინფრასტრუქტურაზე 150 000 ლარზე მეტი დაიხარჯება.ამის შესახებ ინფორმაციას შუახევის მერია ავრცელებს. 

დასრულებული და მიმდინარე პროექტები,  შუახევის მერმა, ომარ ტაკიძემ, მოადგილესთან, გურამ ზოიძესთან და თვითმმართველობის ხელმძღვანელ პირებთან ერთად დაათვალიერა.

ახალი საგზაო ინფრასტრუქტურით წელს პირველად ისარგებლებენ  სოფელ ჭვანაში მცხოვრები დიმიტრაძეები. უბანი, სადაც საავტომობილო გზა არასდროს ქონიათ, ოჯახები საჭირო მარაგს წლების განმავლობაში ხელით ეზიდებოდნენ და საფეხმავლო ბილიკით სარგებლობდნენ.

არსებული პრობლემა ადგილობრივებს, მუნიციპალიტეტის მერიის ინიციატივითა და  მხარდაჭერით მოუგვარდათ. პროექტის ფარგლებში, ყორნალის უბანში გაიჭრა ახალი სამანქანე გზა, მოეწყო ბეტონის საფარი, გაბიონი და ფერდსამაგრი კედელი.

ახალი სამანქანე გზის სამშენებლო სამუშაოები მიმდინარეობს ქათამაძეების  უბანშიც. პროექტის დასრულების შემდეგ, განახლებული ინფრასტრუქტურით 10-ზე მეტი ოჯახი ისარგებლებს.

ავტორი: NS (სტატია დაფინანსებულია),

სოციალური ქსელები

დემოკრატები მასკს მოუწოდებენ, შეინარჩუნოს დოკუმენტები Starlink-ის უკრაინისთვის შეზღუდვების შესახებ

პოლონეთმა აშშ-სგან უკრაინისთვის იარაღის შესყიდვის დაფინანსება შეაჩერა

თეთრმა სახლმა დაადასტურა ტრამპის, პუტინისა და სი ძინპინის პირველი ერთობლივი შეხვედრა - განხილვის თემები ცნობილია

აშშ-ში საჰაერო მიმოსვლის მასშტაბური შეფერხების შედეგად დაახლოებით 1.5 მილიონი ადამიანი დაზარალდა