რომის პაპი ფრანცისკე თვლის, რომ შესაძლოა უახლოეს მომავალში გადადგომის განხილვა მოუწიოს და ასე მოიქცევა, თუ იგრძნობს, რომ ჯანმრთელობის მდგომარეობა მოვალეობების შესრულებაში ხელს უშლის.

პაპმა ეს განცხადება კანადაში მოგზაურობიდან დაბრუნების დროს გააკეთა. ვიზიტისას მან ბოდიში მოუხადა ძირძველ მოსახლეობას ევროპელი კოლონიზატორებისთვის კათოლიკური ეკლესიის ოფიციალური მხარდაჭერისა და კათოლიკურ სკოლებში მკვიდრი ბავშვების მიმართ ძალადობის გამო.

85 წლის ფრენსისმა ხაზგასმით აღნიშნა, რომ ამ დროისთვის ის აპირებს განაგრძოს თავისი მოვალეობების შესრულება.

"პაპის შეცვლა არ არის კატასტროფა, ეს არ არის ტაბუ,"- განაცხადა პაპმა.

ბოლო თვეების განმავლობაში რომის პაპ ფრანცისკეს რამდენჯერმე შეექმნა ჯანმრთელობის პრობლემა.
მაგრამ მან უარყო ვარაუდები, რომ  სერიოზული, სიცოცხლისთვის საშიში დაავადება დაუდგინდა.

”ეს მოგზაურობა იყო სტრესული,” - თქვა მან. ”არა მგონია, რომ გავაგრძელო მგზავრობა იმავე ტემპით, როგორც ადრე, ჩემი ასაკისა და მუხლის გამო. ან უნდა ვიზრუნო საკუთარ თავზე, რომ გავაგრძელო მგზავრობა. ვემსახურო ეკლესიას, ან განვხილო მსახურების დატოვება“.

  შეგახსენებთ, რომ პაპმა ფრანცისკემ წინამორბედი ბენედიქტ XVI 2013 წელს ჩაანაცვლა.

ავტორი: ექსპრესნიუსი,

სოციალური ქსელები

ხმების 100 % ან 99 % „ქართულმა ოცნებამ“ შუალედურ ე.წ არჩევნებში გამარჯვება მოიპოვა

კობახიძე - დადასტურდა, მათ შორის ვიდეოჩანაწერებით, რომ რაზეც ეს კონკრეტული პატიმარი საუბრობდა, იყო ტყუილი

კობახიძე აღიარებს რომ სურსათის გაზრდილი ფასები ხალხს მტკივნეულად დააწვა

ამერიკა ასჯერ ძლიერია, ვიდრე რუსეთი - ზელენსკიმ ტრამპს მოუწოდა, გაიხსენოს აშშ-ის ძალა