2022-07-19 15:52:46, 1315 ნახვა
ეკონომიკა
1-ელი სექტემბრიდან, ბანკებს 200 000 ლარამდე სესხის გაცემა უცხოური ვალუტით შეეძლებათ
საქართველოს ეროვნული ბანკის ახალი განკარგულებით, კომერციული ბანკები უფლებამოსილნი არიან 200 000 (ორასი ათასი) ლარამდე სესხები უცხოური ვალუტით გასცენ, თუ კრედიტი სრულადაა უზრუნველყოფილი ფულადი სახსრებით იმავე ვალუტაში.
ეს ბრძანება 2022 წლის პირველი სექტემბრიდან ამოქმედდება.
"საქართველოს სამოქალაქო კოდექსის 625-ე მუხლის მე-7 ნაწილის მიზნებისთვის, სესხის გაცემის შედეგად ამავე გამსესხებლის მიმართ მსესხებლის ჯამური ვალდებულებების დათვლისას არ უნდა იქნეს გათვალისწინებული ფულადი სახსრებით უზრუნველყოფილი ვალდებულებები", - წერია განცხადებაში.
ავტორი: ექსპრესნიუსი,
epn.ge (@expressnews.ge)
