რუსულმა მედია საშუალება მედუზამ გამოაქვეყნა VTsIOM-ის დახურული გამოკითხვის შედეგები, რომელიც ჩაატარა 2022 წლის ივნისის ბოლოს, კრემლის ბრძანებით. რესპონდენტებს დაუსვეს კითხვა: „ზოგი ამბობს, რომ უკრაინაში ბრძოლები რაც შეიძლება მალე უნდა შეწყდეს. სხვები თვლიან, რომ ბრძოლა ახლა არ უნდა შეწყდეს. რომელი თვალსაზრისია თქვენთვის უფრო ახლოს - პირველი თუ მეორე? მედუზას რესპონდენტთა რაოდენობა უცნობია.

დოკუმენტების მიხედვით, რომლებიც მედუზას აქვს, 30% ვინც უპასუხა VTsIOM-ის ამ კითხვას, თვლის, რომ „საომარი მოქმედებები უკრაინაში“  „რაც შეიძლება მალე შეწყდეს“.  13%-ს უჭირს პასუხის გაცემა; გამოკითხულთა 57% მიიჩნევს, რომ ომი უნდა გაგრძელდეს. 

ამავე კვლევის შედეგების მიხედვით, 18-24 წლის ასაკობრივ ჯგუფში ომის დამთავრების მომხრეა 56%, ხოლო გაგრძელების მომხრე მხოლოდ 19%. 25-34 წლის რუსებს შორის 43% უჭერს მხარს ომის დასრულებას, 41% მხარს უჭერს საომარი მოქმედებების გაგრძელებას. ზოგადად, რაც უფრო ასაკოვანია რესპონდენტი, მით უფრო მეტად უჭერენ მხარს ომს. მაგალითად, 60 წელზე უფროსი ასაკის რესპონდენტებს შორის, რესპონდენტთა 72% იყო შეჭრის გაგრძელების მომხრე.

მოსკოვსა და პეტერბურგში, დახურული გამოკითხვის მონაცემებით თუ ვიმსჯელებთ, გამოკითხულთა დაახლოებით 40%-ს საომარი მოქმედებების შეწყვეტა სურს, 48% კი მათი გაგრძელების მომხრეა. ბრძოლის გაგრძელების ყველაზე მეტად (62%) მომხრეები არიან რუსეთის სხვა ქალაქებში, სადაც მილიონზე მეტი მოსახლეობაა.

ასევე, კრემლის მოთხოვნით, VTsIOM-მა შეისწავლა ომის გაგრძელების მხარდაჭერის დამოკიდებულება და მედიის მოხმარება. „ინტერნეტის აქტიურ მომხმარებლებს“ შორის საომარი მოქმედებების შეწყვეტის მომხრეა გამოკითხულთა 47%, ხოლო გაგრძელების მომხრეა 35%. მაგრამ სატელევიზიო აუდიტორიაში სამხედრო კონფლიქტის დასრულებას მხოლოდ 22% უჭერს მხარს, ასეთი რესპონდენტთა 68% მისი გაგრძელების მომხრეა.

"VTsIOM-ის დახურული გამოკითხვის შედეგები პროგნოზირებადია სხვადასხვა გამოკითხვები მიუთითებს იმაზე, რომ „სპეციალურ ოპერაციას“ უფრო აქტიურად უჭერენ მხარს ასაკოვანი რუსები - ისევე როგორც დიდი ქალაქების  მცხოვრებნი, სადაც სახელმწიფო მოხელეთა დიდი ნაწილია. ეს არის მოხუცებისა და უსაფრთხოების ჩინოვნიკების ომი, რომლებსაც სურთ ქვეყნის ჩაკეტვა წარსულში,”- აცხადებს სოციოლოგი გრიგორ იუდინი Meduza-სთან საუბარში. 

მკვლევარი დარწმუნებულია, რომ ახალგაზრდების სურვილის საომარი მოქმედებების დასრულების შესახებ არ მოყვება ფართომასშტაბიანი საპროტესტო გამოსვლები - ყოველ შემთხვევაში, უახლოეს მომავალში. პრეზიდენტის ადმინისტრაციასთან დაახლოებულმა მედუზას წყარომ, თავის მხრივ, აღნიშნა, რომ ასეთი ქმედებების დაწყების შემთხვევაშიც კი, „ამ დროისთვის სპეცრაზმი მათთვის საკმარისი იქნება“. მისი თქმით, დახურული კენჭისყრის ვერანაირი შედეგი ომის დასრულებას ვერ გამოიწვევს: „პრეზიდენტს სურს ბრძოლა, მაგრამ ის არის პასუხისმგებელი შდეგებზე."

ავტორი: ექსპრესნიუსი,

სოციალური ქსელები

„როსსტატის“ მონაცემებით, ბენზინის ფასების ყოველკვირეული ზრდა ბოლო 20 წლის განმავლობაში ყველაზე დიდია

ზელენსკი: ბელარუსის საზღვარზე აპარატურამ, რომელიც რუსულ დრონებს აკორექტირებდა, მუშაობა შეწყვიტა

დროა: პენიტენციურმა პირობა დაარღვია და ხოშტარიასთან მისი მკურნალი ექიმი არ შეუშვა

ევროსაბჭოს საპარლამენტო ასამბლეამ საქართველოზე კრიტიკული რეზოლუცია მიიღო