თბილისის მერის, კახა კალაძის განცხადებით, შესაბამისი უწყება ყველაფერს გააკეთებს, რათა არა მხოლოდ საქართველოს ყოფილი პრეზიდენტის, მიხეილ სააკაშვილის, არამედ ყველა პატიმრის ჯანმრთელობის მდგომარეობა და უსაფრთხოება დაცული იყოს.

ამის შესახებ კახა კალაძემ შესაბამისი კითხვის საპასუხოდ განაცხადა.

„სააკაშვილი გახლავთ ჩვეულებრივი პატიმარი და მას მოუწევს სასჯელის მოხდა. თუ რაიმე საჭიროებები აქვს, შესაბამისი უწყება ყველაფერს გააკეთებს, რომ პატიმრის ჯანმრთელობის მდგომარეობა და უსაფრთხოება მაქსიმალურად იყოს დაცული. ჰუმანიტარული მიზნებით, საქართველოში ყველანაირი მკურნალობაა შესაძლებელი. თუ რაიმე დამატებით აუცილებლობა იქნება, შესაბამისი უწყება, პენიტენციური სისტემა ყველაფერს გააკეთებს იმისთვის, რომ არა მხოლოდ სააკაშვილის, არამედ ნებისმიერი პატიმრის ჯანმრთელობის მდგომარეობა მაქსიმალურად იყოს დაცული“, - განაცხადა კახა კალაძემ.

 შეგახსენებთ, რომ ევროპის საბჭოს საპარლამენტო ასამბლეის (PACE) 20 დეპუტატი საქართველოს მესამე პრეზიდენტის მიხეილ სააკაშვილის ჯანმრთელობის მდგომარეობის შესახებ ერთობლივ განცხადებას ავრცელებს.

მიხეილ სააკაშვილს ესაჭიროება გადაყვანა ევროპის სპეციალიზებულ კლინიკაში, რომელსაც უკვე აქვს მსგავს სამედიცინო  შემთხვევებთაბ გამკლავების  გამოცდილება,- განცხადების თანახმად,  საქართველოს სასწრაფოდ სჭირდება პოლიტიკური შერიგების პროცესი. ხოლო სააკაშვილის ავად ყოფნამ ან პატიმრობისას გარდაცვალებამ შესაძლოა საფრთხე შეუქმნას ამ პროცესს.

"შეშფოთებულები ვართ საქართველოს ყოფილი პრეზიდენტის მიხეილ სააკაშვილის ჯანმრთელობის გამო, რომელიც იმყოფება საქართველოს პენინტენციურ დაწესევულებაში 2021 წლიდან.
რამდენიმე დამოუკიდებელმა ექიმმა სააკაშვილის ციხეში გასინჯვის შემდეგ დაადასტურა რამდენიმე დაავადება და მისი მძიმე ნევროლოგიური მდგომარეობა. ჩვენ ასევე შეშფოთებული ვართ  სახალხო დამცველების მიერ გაცემული რეკომენდაციებით, რომლებიც არ შეასრულდა. სააკაშვილს ესაჭიროება მკურნალობა ევროპის სპეციალიზებულ კლინიკაში, რომელსაც უკვე აქვს მსგავსი შემთხვევების გამოცდილება. ამის შეუსრულებლობამ შეიძლება გამოიწვიოს დემენცია, მრავალი ორგანოს უკმარისობა და სიკვდილი. უფლებადამცველი ორგანიზაცია Amnesty International ასევე იზიარებს შეშფოთებას სააკაშვილის ჯანმრთელობის შესახებ.ჩვენ მოვუწოდებთ საქართველოს მთავრობას ყველაფერი გააკეთოს იმისათვის, რომ სააკაშვილის ჯანმრთელობა დასტაბილურდეს. გარდა ამისა, მკურნალობა ევროპის სპეციალიზებულ კლინიკაში, რომელსაც უკვე აქვს მსგავსი შემთხვევების გამოცდილება ეს არის უპირველეს ყოვლისა ჰუმანიტარული საზრუნავი.ჩვენ ასევე შეშფოთებულები ვართ ქართული დემოკრატიის სტაბილურობით და ვშიშობთ ღრმა განხეთქილებას საზოგადოებაში. საქართველოს სასწრაფოდ სჭირდება პოლიტიკური შერიგების პროცესი. თუ სააკაშვილი მძიმედ ავად იყო ან თუნდაც პატიმრობის შედეგად გარდაიცვალა, ამან შეიძლება საფრთხე შეუქმნას ამ პროცესს,"- ვკითხულობთ განცხადებაში.

ავტორი: NS (სტატია დაფინანსებულია),

სოციალური ქსელები

ტრამპმა გარდაცვლილ ლინდსი გრეჰემს „ერთ-ერთი უდიდესი ადამიანი და სენატორი“ უწოდა

ვეტერანი სენატორი, რესპუბლიკელი ლინდსი გრემი გარდაიცვალა

ჩერგოლეიშვილი – ღნავიან, სასამართლოს დაწვის ამოცანით შენობაში შეჭრილ ელისაშვილს ამდენი წელი რატომ მიუსაჯესო, ამ უპასუხისმგებლო არსების ჰეროიზაციას ახდენენ

წინასწარ შემიძლია ვთქვა, რომ ზარალი იქნება დიდი – კახეთის რწმუნებული ადიდებულ მდინარეზე