თურქეთის პრეზიდენტი რეჯეფ თაიფ ერდოღანი ფინეთოსა და შვედეთის ლიდერებს შეხვდება , რათა განიხილონ ნატო-ში გაწევრიანების მოთხოვნები მადრიდის ალიანსის სამიტის დაწყებისას.

ნატო-ს ლიდერები მოუწოდებენ თურქეთის პრეზიდენტს რეჯეფ თაიფ ერდოღანს , მოხსნას ვეტო ფინეთისა და შვედეთის განაცხადებას სამხედრო ალიანსში გაწევრიანების შესახებ.თურქეთის პრეზიდენტის პრესსპიკერმა იბრაჰიმ კალინმა განაცხადა, რომ ერდოღანი გამართავს მოლაპარაკებებს ორი სკანდინავიური ქვეყნის ლიდერებთან, 

 „პრეზიდენტი საული ნიინისტო ხვალ მადრიდში შეხვდება თურქეთის პრეზიდენტ ერდოღანს, შვედეთის პრემიერ მინისტრს მაგდალენა ანდერსონს და ნატო-ს გენერალურ მდივანს იენს სტოლტენბერგს."- განაცხადა პრესსპიკერმა.

ფინეთისა და შვედეთის გაწევრიანების მოთხოვნა და თურქეთის წინააღმდეგობები სავარაუდოდ  სამიტის მთავარი  თემა იქნება.

შვედეთმა და ფინეთმა  ნატო-ში გაწევრიანება რუსეთის მიერ უკრაინაში შეჭრის საპასუხოდ გადაწყვიტეს. მაგრამ განაცხადებებმა გამოიწვია წინააღმდეგობა თურქეთის პრეზიდენტისაგან, რომელიც  ჰელსინკისა და სტოკჰოლმის მხროდან  ქურთი ბოევიკების მხარდაჭერასა და ანკარის იარაღის ემბარგოს დაწესებამ გააღიზიანა.

სამიტი 28-დან 30 ივნისამდე გაგრძელდება.

თურქეთმა  დაბლოკა ნატო-ს კენჭისყრა ალიანსში ფინეთისა და შვედეთის გაწევრიანების შესახებ, რაც აჩენს ვარაუდს, რომ გაწევრიანების პროცესის პირველ ეტაპს შესაძლოა  დაგეგმილ ორ კვირაზე მეტი დრო დასჭირდეს.

თურქეთის  პრეზიდენტმა რეჯეფ თაიფ ერდოღანმა განაცხადა რომ ალიანსმა პატივი უნდა სცეს თურქეთის დათქმებს. ”ნატოს გაფართოება ჩვენთვის მხოლოდ იმ პატივისცემის პროპორციულია, რაც გამოვლინდება ჩვენი სენსიტიურობის მიმართ,” - განაცხადა მან.

"არ გვინდა ერთი და იგივე შეცდომა ორჯერ დავუშვათ.  ჩვენ მტკიცედ გავაგრძელებთ პოლიტიკას ამ კუთხით. ჩვენ ვუთხარით ჩვენს პარტნიორებს, რომ უარს ვიტყვით შვედეთისა და ფინეთის ნატოში გაწევრიანებაზე. გავაგრძელებთ სვლას ნატოში იგივე მიმართულებით“, -ჩვენ მათ ვთხოვეთ 30 ტერორისტის ექსტრადირება, მაგრამ მათ ამაზე უარი განაცხადეს.ასე რომ, თქვენ არ დაგვიბრუნებთ ტერორისტებს, მაგრამ თქვენ გვთხოვთ ნატო-ს წევრობას? ნატო არის ერთეული უსაფრთხოებისთვის, ორგანიზაცია უსაფრთხოებისთვის. ამიტომ, ჩვენ ვერ ვიტყვით „დიახ“ თუ ამ უსაფრთხოების ორგანიზაციას დაცვა მოაკლდება“, - დასძინა მან.

ნატო-ს გაფართოება უნდა დაამტკიცოს 30-ვე წევრმა და შემდეგ რატიფიცირება მოახდინოს მათმა პარლამენტებმა, რასაც შესაძლოა ერთი წელი დასჭირდეს. ალიანსმა განაცხადა, რომ მას სურს რაც შეიძლება სწრაფად გაიაროს ყველა პროცესი ფინეთისა და შვედეთის მიმართ რუსეთის პოტენციური საფრთხის გათვალისწინებით.

თურქეთი შვედეთსა და ფინეთს ადანაშაულებს ქურთული ბოევიკების წევრების შეფარებაში, რომლებსაც ის ტერორისტულ ორგანიზაციებად მიიჩნევს.ერდოღანმა დაადანაშაულა სტოკჰოლმი უკანონო ქურთისტანის მუშათა პარტიის (PKK) წევრებისა და ფეთჰულა გიულენის მიმდევრებისთვის უსაფრთხო თავშესაფრის მიწოდებაში , რომელსაც ანკარა ადანაშაულებს 2016 წლის გადატრიალების მცდელობის ორკესტრირებაში. 

ავტორი: ექსპრესნიუსი,

სოციალური ქსელები

Reuters: უკრაინის თავდასხმის შედეგად, მოსკოვის ნავთობქარხანა წელს ვეღარ იმუშავებს

Rádio Caracol: ვენესუელაში მიწისძვრამ უზარმაზარი ზიანი მიაყენა

რუმინეთის პარლამენტის ქვედა პალატამ მოლდოვასთან გაერთიანების შესახებ კანონი დაამტკიცა

ტრამპმა ზელენსკი შეაქო: „ის საკმაოდ კარგ საქმეს აკეთებს“.