ეს ინფორმაცია ყალბია,- ასე გამოეხმაურა კრემლის პრესმდივანი დიმიტრი პესკოვი დასავლურ პრესაში გაბრცელებულ ინფორმაციას, რუსეთში ფარული სამხედრო მობილიზაციის დაწყების შესახებ.

ბრიტანულმა გამოცემებმა ანონიმურ წყაროებზე დაყრდნობით გაავრცელეს ინფორმაცია, რომ  რუსეთში უახლოეს მომავალში მასიური სამხედრო მობილიზაცია დაიწყება,  უკრაინის ომისთვის მეტი ჯარის მოზიდვის მიზნით.

"კრემლი შეშფოთებულია მობილიზაციის პერსპექტივით, რადგან ეს რეალურად ნიშნავს უკრაინაში სწრაფი და ეფექტური ოპერაციის ჩატარების „მარცხის აღიარებას“,- წერს გამოცემა The Guardian წყაროზე დაყრდნობით.

ბრიტანულ პრესაში პუბლიკაციებს უკვე გამოეხმაურა პუტინის პრესმდივანი დიმიტრი პესკოვი. საინფორმაციო სააგენტო „ინტერფაქსის“ კითხვაზე, თუ რას უპასუხებს კრემლი ამ ინფორმაციას, მან უპასუხა-  " ეს არის სრული სიყალბე".

შეგახსენებთ, რომ რუსეთის ხელისუფლებამ ასევე გაზარდა  პირველი სამხედრო კონტრაქტის დადების ასაკობრივი ზღვარი : თუ ადრე ზედა ზღვარი 40 წელი იყო, ახლა ის 50-მდე გაიზარდა რიგითებისთვის და 60-მდე უმცროსი ოფიცრებისთვის. შესაბამისი ცვლილებები მაისის ბოლოს ნაჩქარევად იქნა მიღებული.

ავტორი: ექსპრესნიუსი,

სოციალური ქსელები

მედვედევი: NATO-მ ტარანად გამოიყენა საქართველო, უკრაინა, იგივე ხდება მოლდოვაში, სომხეთში

Reuters: უკრაინის თავდასხმის შედეგად, მოსკოვის ნავთობქარხანა წელს ვეღარ იმუშავებს

Rádio Caracol: ვენესუელაში მიწისძვრამ უზარმაზარი ზიანი მიაყენა

რუმინეთის პარლამენტის ქვედა პალატამ მოლდოვასთან გაერთიანების შესახებ კანონი დაამტკიცა