2022-06-20 10:08:19, 1016 ნახვა
საზოგადოება
დღეს, 20 საათზე, პარლამენტთან აქცია „შინ ევროპისკენ“ გაიმართება
დღეს, 20 ივნისს, 20 საათზე, საქართველოს პარლამენტის შენობასთან აქცია “შინ ევროპისკენ” გაიმართება.
აქციაზე შეკრებილ მოქალაქეებს სამოქალაქო საზოგადოების, უკრაინის ხელისუფლებისა და ევროკავშირის წარმომადგენლები მიმართავენ სიტყვით.
აქცია სამოქალაქო მოძრაობა “სირცხვილიამ” დააანონსა და მოქალაქეებთან ერთად, სხვადასხვა უნივერსიტეტისა და სამოქალაქო მოძრაობების წევრები შეუერთდებიან.
21:00 საათზე, აქციის მონაწილეები მსვლელობით გაემართებიან ევროპის მოედნისკენ, სადაც ღონისძიების დასკვნითი ნაწილი გაიმართება.
ავტორი: ექსპრესნიუსი,
epn.ge (@expressnews.ge)
