დასაქმების ხელშეწყობის სახელმწიფო სააგენტოსა და აჭარის დასაქმების სააგენტოს ორგანიზებით, სასტუმრო ,,ჰილტონ ბათუმში’’ შეზღუდული შესაძლებლობების მქონე პირთა დასაქმების ფორუმი გაიმართა.

ფორუმს აჭარის ჯანმრთელობისა და სოციალური დაცვის მინისტრი ნინო ნიჟარაძე, ბათუმის მაჟორიტარი დეპუტატი საქართველოს პარლამენტში რესან კონცელიძე, უმაღლესი საბჭოს ვიცე-სპიკერი ტიტე აროშიძე, დასაქმების ხელშეწყობის სახელმწიფო სააგენტოს დირექტორი ნინო ველთაური, უმაღლესი საბჭოს წევრები, ბათუმის მერიის წარმომადგენლები, დამსაქმებლები და შშმ სტატუსის მქონე სამუშაოს მაძიებლები ესწრებოდნენ. 

აჭარის დასაქმების სააგენტოს ხელმძღვანელმა თემურ კახიძემ შეხვედრაზე წარმოადგინა პრეზენტაცია აჭარაში შეზღუდული შესაძლებლობების მქონე პირთა მხარდაჭერითი დასაქმების სახელმწიფო სერვისების შესახებ, ასევე განხილული იქნა თანამშრომლობის საუკეთესო მაგალითები შშმ პირთა შრომის ბაზარზე ინტეგრირების ხელშეწყობის კუთხით.

ფორუმის მეორე ნაწილი პირისპირ შეხვედრებს დაეთმო, სადაც სამუშაოს მაძიებელ შშმ პირებს მიეცათ შესაძლებლობა პირისპირ გასაუბრებოდნენ პოტენციურ დამსაქმებლებს.

ღონისძიების ფარგლებში, შეზღუდული შესაძლებლობების მქონე პირთა რესოციალიზაციის, პროფესიული განვითარებისა და დასაქმების თანაბარი შესაძლებლობების შექმნისათვის, მადლობის სიგელით კომპანიები დაჯილდოვდნენ.

ავტორი: NS (სტატია დაფინანსებულია),

სოციალური ქსელები

დემოკრატები მასკს მოუწოდებენ, შეინარჩუნოს დოკუმენტები Starlink-ის უკრაინისთვის შეზღუდვების შესახებ

პოლონეთმა აშშ-სგან უკრაინისთვის იარაღის შესყიდვის დაფინანსება შეაჩერა

თეთრმა სახლმა დაადასტურა ტრამპის, პუტინისა და სი ძინპინის პირველი ერთობლივი შეხვედრა - განხილვის თემები ცნობილია

აშშ-ში საჰაერო მიმოსვლის მასშტაბური შეფერხების შედეგად დაახლოებით 1.5 მილიონი ადამიანი დაზარალდა