იყო საკითხები რაშიც ვეთანხმები პრეზიდენტს, მან ძალიან სამართლიანად გააკრიტიკა საქართველოს ხელისუფლება განუხორციელებელი რეფორმების და შეუსრულებელი ვალდებულებების გამო, შეიძლება წავიდე 16 ივნისის აქციაზე - ასე აფასებს საქართველოს სახალხო დამცველი ნინო ლომჯარია პრეზიდენტ ზურაბიშვილის გუშინდელ გამოსვლას.

მისივე თქმით, სალომე ზურაბიშვილს შეეძლო გამოეყენებინა შეწყალების უფლება ნიკა გვარამიასთან მიმართებაში, თუმცა პრეზიდენტმა „არც ახსენა, რომ ეს საკითხიც იყო კრიტიკულ რეზოლუციაში განხილული.“

"ვარ მომხრე, რომ ვიყოთ ყველა აქციაზე, სადაც გაისმება ევროინტეგრაციის მოთხოვნა. შეიძლება წავიდე, ახლა  საზოგადოების დაყოფის დრო არ არის. მოუწოდებ მოქალაქეებს, რომ ყველგან სადაც იქნება შეკრება ევროკავშირთან ინტეგრაციის მოთხოვნით, ჩვენ ალბათ ყველგან უნდა მივიდეთ და არ უნდა დავიღალოთ. მე მაქვს პრეზიდენტთან შეკითხვა- მისი მხრიდან რატომ არ იდგმება ნაბიჯები ევროკავშირის მოთხოვნების შესასრულებლად. რა თქმა უნდა მას ბევრის გაკეთება არ შეუძლია, თუმცა რისი მანდატიც აქვს, მასაც შეუძლია შესაბამისი ნაბიჯების გადადგმა",- აცხადებს ლომჯარია.

შეგახსენებთ, რომ საქართველოს პრეზიდენტი 16 ივნისს ევროინტეგრაციის მხარდამჭერი აქციის გამართვის ინიციატივით გამოვიდა.

ავტორი: ექსპრესნიუსი,

სოციალური ქსელები

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის

სიკორსკი: რუსეთს პოლონეთზე თავდასხმის რესურსები არ აქვს, მაგრამ ისინი რაღაცას ამზადებენ

უკრაინის შეიარაღებულმა ძალებმა შეტევითი ოპერაციებისთვის სახმელეთო რობოტების გამოყენება დაიწყეს